كۇشتى جەل: اتىراۋ-ورال اۋە رەيسى ۇشپاي قالدى

ұшақ
Фото: pixabay.com

ورال. KAZINFORM - قولايسىز اۋا رايىنا بايلانىستى ورالعا كەلۋى ءتيىس رەيستەر ەكى كۇننەن بەرى كەشىگىپ نە توقتاتىلىپ جاتىر.

«ورال حالىقارالىق اۋەجايى» ج ش س- نىڭ باسپا ءسوز حاتشىسى ايناگۇل ساقپوسىنوۆانىڭ ايتۋىنشا، كەشە 5 رەيس بولسا، سونىڭ ۇشەۋى توقتاتىلعان ەدى.

بۇگىن 4 رەيستىڭ بىرەۋى كەلمەيتىن بولدى. اتاپ ايتقاندا، جەلدىڭ ەكپىنى سەكۋندىنا 17 مەترگە دەيىن جەتۋىنە بايلانىستى اتىراۋدان تۇسكە دەيىن كەلۋى ءتيىس رەيس توقتاتىلدى.

«Air Astana اۋە كومپانياسىنىڭ كەشە توقتاتىلعان 319/937 ماينداعى فرانفۋرت- استانا-ورال رەيسىنىڭ بۇگىن دە ۇشپايتىنى جونىندە حابار كەلدى. ال 7365 استانا- ورال رەيسى ۋاقتىلى دەپ تۇر، ءبىراق بەلگىسىز. ويتكەنى استانادا دا جەل كۇشەيگەن. سونداي-اق الماتىدان كەلەتىن 881 جانە 7165 رەيستەرى كەشىگىپ جاتىر»، دەدى ا. ساقپوسىنوۆا.

ەسكە سالا كەتەيىك، بۇدان بۇرىن ورال قالاسىندا قاتتى جەلگە بايلانىستى ۇشاقتار كەشىگىپ جاتقانىن جازعان بولاتىنبىز.

سونداي-اق باتىس قازاقستاندا قولايسىز اۋا رايىنا بايلانىستى 11 جول بولىگى جابىق تۇر.

سوڭعى جاڭالىقتار