كۇدىكتىنى ازاپتاعان سەمەيلىك پوليتسەي قاماۋعا الىندى
استانا. KAZINFORM - پروكۋراتۋرا تاراپىنان بەينەباقىلاۋدىڭ جاي-كۇيىنە، ونىڭ جۇمىسقا جارامدىلىعى مەن بەينە جازبالاردىڭ ساقتالۋىنا، سونداي-اق عيماراتتارداعى «سوقىر ايماقتاردى» جويۋعا ەرەكشە نازار اۋدارىلادى.
«قىلمىس جاساعانىن مويىنداتۋ ماقساتىندا ازاپتاۋ، ياعني ق ك- ءتىڭ 146-بابىنىڭ 3-بولىگى 1-تارماعىندا (ازاپتاۋلار، ياعني لاۋازىمدى ادامنىڭ ءتان زاردابىن جانە (نەمەسە) پسيحيكالىق زارداپتى قاساقانا كەلتىرۋى) كوزدەلگەن قىلمىستىق قۇقىق بۇزۋشىلىق جاسادى دەگەن كۇدىكپەن سەمەي قالاسى ورتالىق پوليتسيا ءبولىم قىزمەتكەرى ۇستالدى»، - دەپ جازدى باقىلاۋشى ورگاننان.
اباي وبلىسىنىڭ پروكۋراتۋراسى ق پ ك- ءتىڭ 128-بابىنا سايكەس كۇدىكتىنى سەمەي قالاسىنىڭ پ ب ۋاقىتشا ۇستاۋ يزولياتورىنا قامادى.
وبلىستىڭ مامانداندىرىلعان تەرگەۋ سوتى كۇدىكتىگە قاتىستى 2 اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىن سانكتسيالادى.
قازىرگى ۋاقىتتا سوتقا دەيىنگى تەرگەۋ امالدارى جالعاسۋدا.
ق پ ك- ءتىڭ 201-بابىنىڭ 1-بولىگىنە سايكەس باسقا اقپارات جاريا ەتۋگە جاتپايدى.
