Kazakh Tourism دا باسشىلىق اۋىستى

استانا. قازاقپارات - «Kazakh Tourism» ۇ ك» ا ق ديرەكتورلار كەڭەسى وتىرىسىنىڭ قورىتىندىسى بويىنشا قايرات ءسادۋاقاسوۆ باسقارما ءتوراعاسى قىزمەتىنەن كەتتى. ۇلتتىق كومپانيا باسشىسىنىڭ مىندەتىن اتقارۋشى لاۋازىمىنا دانيەل سەرجان ۇلى تاعايىندالدى.

ول 2024 -جىلدىڭ قاڭتارىنان بەرى باسقارما ءتوراعاسىنىڭ ورىنباسارى قىزمەتىن اتقارادى.

2024 -جىلى قازاقستانعا شەتەلدىك كەلۋشىلەر سانى رەكوردتىق دەڭگەيگە 15,3 ميلليون ادامعا جەتتى. ەلىمىز The New York Times جانە Wanderlust, Condé Nast Traveler، Lonely Planet سەكىلدى بەدەلدى حالىقارالىق باسىلىمداردىڭ ەڭ ۇزدىك تۋريستىك باعىتتار رەيتينگتەرىنە ەندى. سونىمەن بىرگە قازاقستان دۇنيەجۇزىلىك ەكونوميكالىق فورۋمنىڭ تۋريزم مەن ساياحاتتى دامىتۋ يندەكسىندە جوسپارلانعان كورسەتكىشتەردەن وزىپ، 52-ورىندى يەلەندى.

قىتاي باعىتىنا ەرەكشە نازار اۋدارىلدى. اسپان استى ەلىندەگى قازاقستان تۋريزمىنىڭ جىلى تابىستى وتكىزىلدى. قىتاي نارىعىنان كەلۋشىلەر قاتارى 2 ەسەگە ۇلعايىپ، 657 مىڭ ادامعا جەتتى.

ماڭىزدى باستامالار قاتارىندا اگروتۋريزم جانە قوناق ۇيلەردى جىكتەۋ ماسەلەلەرى بويىنشا ءبىرقاتار زاڭنامالىق وزگەرىستەر دايىندالدى. قازىرگى تاڭدا ولار پارلامەنتتە قاراستىرىلىپ جاتىر.

وڭىرلىك اسپەكتىدە مەملەكەت باسشىسى ايقىنداعان باسىمدىققا يە دەستيناتسيالاردى دامىتۋ جوسپارلارى ازىرلەندى. «بايقوڭىر» كەشەنىندە عارىش ءتۋريزمىن جانە شقو ەكوتۋريزمنىڭ ءىنجۋ- مارجانىنا اينالعان كاتونقاراعاي اۋدانىندا ءتۋريزمدى دامىتۋ تۇجىرىمداماسى ۇسىنىلدى.

قايرات ءسادۋاقاسوۆ تۋريزم سالاسىنداعى كاسىبي قىزمەتىن جەكە سەكتوردا جالعاستىرادى.