كايس سايد تۋنيس پرەزيدەنتى بولىپ قايتا سايلاندى

استانا. KAZINFORM - جەكسەنبى كۇنى تۋنيستە پرەزيدەنت سايلاۋى ءوتىپ، وندا ەكزيت-پولل ناتيجەلەرى بويىنشا ەلدىڭ قازىرگى پرەزيدەنتى كايس سايد 89,2 پايىز داۋىس جيناپ، جەڭىسكە جەتتى.

بۇل تۋرالى Kazinform-نىڭ يوردانياداعى مەنشىكتى ءتىلشىسى ارسەن ۋتەشيەۆ حابارلايدى.

«بولجالدى قورىتىندى كايس سايدتىڭ %89,2، جالپى 2194150 داۋىس جيناپ، پرەزيدەنتتىك سايلاۋدا جەڭگەنىن كورسەتىپ وتىر»، - دەپ مالىمدەدى Sigma Conseil زەرتتەۋ كومپانياسىنىڭ ديرەكتورى حاسان زارگۋني تۋنيس قوعامدىق تەلەارناسىندا.

تۋنيستىڭ تاۋەلسىز سايلاۋ ورگانى جەرگىلىكتى ۋاقىت بويىنشا كەشكى ساعات 18:00 دە سايلاۋ ۋچاسكەلەرى جابىلعان كەزدە سايلاۋشىلاردىڭ ۋاقىتشا قاتىسۋى 27,7 پايىزدى قۇراعانىن حابارلادى.

داۋىس بەرۋگە بارلىعى 2,7 ميلليون سايلاۋشى قاتىستى.

سايلاۋ ورگانى 2-قىركۇيەكتە كانديداتتاردىڭ تۇپكىلىكتى ءتىزىمىن جاريالادى. ونىڭ قۇرامىنا ءتورت ۇمىتكەر كىردى: قازىرگى پرەزيدەنت كايس سايد، وپپوزيتسيالىق كانديدات، «ازيمۋن» قوزعالىسىنىڭ باس حاتشىسى اياچي زاممەل جانە سايدتىڭ جاقتاۋشىسى - حالىق قوزعالىسىنىڭ باس حاتشىسى زۋحاير ماگزاۋي.

ءدال سول exit-poll قورىتىندىسى بويىنشا، زاممەل %6,9 (169 مىڭ ادام)، ماگزاۋي %3,9 (95 مىڭ ادام) داۋىس جيناعان.

«سايلاۋ پروتسەسى ءبىرقالىپتى ءوتتى جانە ءبىز وسى سايلاۋ كۇنىن بۇزاتىن وقيعالاردى تىركەمەدىك. تۋنيستىكتەر ەل ىشىندە دە، شەتەلدە دە سايلاۋ ۋچاسكەلەرىنە لايىقتى كەلدى»، - دەدى تۋنيس سايلاۋ كوميسسياسىنىڭ باسشىسى فارۋك بۋاسكار باسپا ءسوز ءماسليحاتىندا.

بۋاسكاردىڭ حابارلاۋىنشا، سايلاۋشىلاردىڭ كەلۋىنىڭ رەسمي جانە سوڭعى كورسەتكىشتەرى سايلاۋدىڭ الدىن الا قورىتىندىلارىمەن بىرگە دۇيسەنبى كۇنى كەشكە جاريالانادى.

تۋنيس پرەزيدەنتى بەس جىلدىق مەرزىمگە سايلانادى. تۋنيستە بۇرىنعى پرەزيدەنتتىك سايلاۋ 2019-جىلى ءوتتى، سول كەزدە تاۋەلسىز كانديدات جانە كونستيتۋتسيالىق قۇقىق پروفەسسورى كايس سايد ەكىنشى تۋردا جەڭىسكە جەتتى. ول %72 داۋىس جينادى.