كايا كاللاس ا ق ش- تان ۋكرايناعا كومەك كورسەتۋدەگى «جۇكتەمەنى ءبولىسۋدى» سۇرادى
استانا. KAZINFORM - ەۋرووداق ا ق ش- تان ۋكرايناعا كومەكتەگى جاۋاپكەرشىلىكتى ءبولىسۋدى تالاپ ەتتى، دەپ جازدى DW.
- ءبىز پرەزيدەنت ترامپتىڭ ۋكرايناعا كوپ كولەمدە قارۋ جەتكىزۋ تۋرالى مالىمدەمەسىن قۇپتايمىز، الايدا ا ق ش بۇل جۇكتەمەنى بولىسكەنىن قالايمىز، - دەدى ەۋرووداقتىڭ سىرتقى ساياسات جونىندەگى باسشىسى كايا كاللاس بريۋسسەلدە ە و- عا مۇشە مەملەكەتتەردىڭ سىرتقى ىستەر مينيسترلەرىنىڭ كەزدەسۋىنەن كەيىن.
«ەگەر ءسىز قارۋ بەرۋگە ۋادە بەرىپ، ونى باسقا بىرەۋ تولەيدى دەپ ويلاساڭىز، وندا شىن مانىندە قارۋ بەرگەنگە سانالمايدى»، - دەپ كەلتىرەدى AFP اگەنتتىگى كاللاستىڭ دونالد ترامپقا ارناعان ءسوزىن.
ا ق ش پرەزيدەنتى بۇعان دەيىن ەۋروپا ەلدەرىمەن بىرلەسىپ ۋكرايناعا Patriot زەنيتتىك-زىمىران كەشەندەرىن، ۇلكەن كولەمدەگى قارۋ مەن اسكەري تەحنيكانى جاقىن ارادا جەتكىزۋگە ۋادە بەرگەن بولاتىن. الايدا بۇل ميللياردتاعان دوللار تۇراتىن قارۋدى ەۋروپالىق ناتو ەلدەرى ساتىپ الۋى ءتيىس، دەلىنگەن ترامپ پەن ناتو باس حاتشىسى مارك ريۋتتە ۇسىنعان كەلىسىمدە.
