كاسىپقوي بوكس: جانىبەك ءالىمحان ۇلىنىڭ قارسىلاسى استاناعا كەلدى

استانا. KAZINFORM - ورتا سالماقتا WBO جانە IBF تيتۋلىنىڭ يەگەرى، قازاقستاندىق كاسىپقوي بوكسشى جانىبەك ءالىمحان ۇلىنىڭ (16-0، 11 ك و) كەزەكتى قارسىلاسى استاناعا كەلدى.

Nomad Promotions كومپانياسى الەۋمەتتىك جەلىدەگى پاراقشاسىندا فرانسيالىق اناۋەل نگاميسسەنگۋدىڭ (14-0، 9 ك و) ەلوردا اۋەجايىنا كەلگەن ۆيدەوسىن جاريالادى.

ايتا كەتەيىك، اناۋەل نگاميسسەنگۋ 1996-جىلى كونگو رەسپۋبليكاسىندا دۇنيەگە كەلىپ، 2016-جىلى فرانسيا اتىنان ريو وليمپياداسىندا ونەر كورسەتتى.

فرانسيالىق بوكسشى 2019-جىلى كاسىپقوي بوكسقا اۋىسىپ، قازىرگە دەيىن 14 جەكپە-جەگىنىڭ بارلىعىندا جەڭىسكە جەتكەن.

BoxRec پورتالىنداعى اقپاراتقا سايكەس، اناۋەل نگاميسسەنگۋ ورتا سالماقتا الەمدىك رەيتينگىدە 9-ورىندا تۇر.

ەسكە سالا كەتسەك، جانىبەك ءالىمحان ۇلى 5-ءساۋىر كۇنى استانا قالاسىندا كەزەكتى جەكپە-جەگىن وتكىزىپ، چەمپيوندىق بەلدىكتەرىن قورعايدى.

وسىعان دەيىن حابارلاعانىمىزداي، جانىبەك-اناۋەل ايقاسى اندەركاردى تولىق انىقتالدى.

اۆتور مۇحتار قاليموللا ۇلى