كاسىپقوي بوكس: جانىبەك ءالىمحان ۇلى سالماق ولشەۋ راسىمىنەن ءساتتى ءوتتى

استانا. قازاقپارات - WBO/IBF تۇجىرىمى بويىنشا ورتا سالماقتاعى الەم چەمپيونى جانىبەك ءالىمحان ۇلى (15-0، 10 ك و) مىندەتتى قارسىلاسى اندرەي ميحايلوۆيچپەن (21-0، 13 ك و) جەكپە-جەك الدىنداعى سالماق ولشەۋ راسىمىنەن ءوتتى.

جانىبەك تارازىدا 159,6 فۋنت (72,3 ك گ) بولدى، ال اندرەي- 159,9 فۋنت (72,5 ك گ) شىقتى.

بۇعان دەيىن حابارلاعانىمىزداي، كەشە باسپا ءسوز ءماسليحاتىندا جانىبەك قارسىلاسىن جەڭەتىنىنە سەنىمدى ەكەنىن، سيدنەيدە ەلىمىزدىڭ بايراعىن جەلبىرەتكىسى كەلەتىنىن ايتقان ەدى.

ايتا كەتەيىك، جانىبەك - اندرەي جەكپە- جەكگى No Limit Boxing پروموۋتەرلىك كومپانياسىنىڭ ۇيىمداستىرۋىمەن 4-قازان كۇنى اۆستراليانىڭ سيدنەي قالاسىنداعى The Star ارەناسىندا وتەدى.

بوكسشىلار IBF الەم چەمپيونى اتاعى ءۇشىن جۇدىرىقتاسادى.

كاسىپقوي بوكس كەشىن قازاقستاندىقتار «Qazsport» تەلەارناسىنان تىكەلەي ەفيرىنەن كورە الادى.

ەسكە سالا كەتسەك، ەكى بوكسشى اراسىنداعى ايقاس 13-شىلدە كۇنى لاس- ۆەگاستە (ا ق ش) ءوتۋى ءتيىس ەدى. الايدا، وتانداسىمىز سالماق قۋۋ سالدارىنان ەسىنەن تانىپ قالعان بولاتىن.

اۆتور

مۇحتار قاليموللا ۇلى