كاسىبي مەرەكە: جاۋىنگەرلىك دايارلىق مامانىنىڭ كاسىبي كۇنى ەنگىزىلدى
استانا. KAZINFORM - قورعانىس ءمينيسترىنىڭ بۇيرىعىمەن ق ر قارۋلى كۇشتەرىنىڭ كاسىبي مەرەكەلەرىنىڭ تىزبەسىنە جاۋىنگەرلىك دايارلىق مامانى كۇنى ەنگىزىلدى. ول 14-تامىزدا اتاپ وتىلەدى. بۇل تۋرالى قورعانىس مينيسترلىگىنىڭ باسپا ءسوز قىزمەتى جازدى.
«ارميانىڭ جاۋىنگەرلىك الەۋەتىن نىعايتۋ ىسىندەگى وسى قىزمەت باعىتىنىڭ ماڭىزدىلىعىن ەسكەرە وتىرىپ، 1992 -جىلعى 14-تامىزدا قورعانىس ءمينيسترىنىڭ جاۋىنگەرلىك دايارلىق جونىندەگى ورىنباسارى - ق ر قورعانىس مينيسترلىگى جاۋىنگەرلىك دايارلىق باسقارماسىنىڭ باستىعى لاۋازىمى بەكىتىلدى. وعان گەنەرال- مايور يۋري قۇرماتوۆ تاعايىندالعان بولاتىن»- دەلىنگەن حابارلامادا.
جاۋىنگەرلىك دايارلىق ۇدەرىسىن ورتالىقتاندىرىپ باسقارۋ - اسكەرلەردىڭ جاۋىنگەرلىك جوعارى دەڭگەيدە ماشىقتانۋدىڭ جانە ولاردىڭ جاۋىنگەرلىك ازىرلىگىن ارتتىرۋدىڭ مىندەتتى ەرەجەسى.
قارۋلى كۇشتەردەگى جاۋىنگەرلىك دايارلىق ورگاندارىنىڭ كومانديرلەرى مەن ماماندارىنىڭ كۇندەلىكتى قاجىرلى ەڭبەگىنىڭ ارقاسىندا وقۋ پروتسەستەرى ۇنەمى جەتىلدىرىلىپ وتىرادى، وتكىزىلەتىن ءىس- شارالاردىڭ قارقىندىلىعى مەن اۋقىمى ارتىپ كەلەدى. ولاردىڭ بارلىعى اسكەرلەردى ۇرىسقا قاجەت نارسەگە ۇيرەتۋ قاعيداتىنا باعىنادى.
اۆتور
باقىتگۇل اباي قىزى
