«كاسپي جۇما» مەن «0-0-24» تۇجىرىمى زەرتتەلىپ جاتىر – ۇ ب
استانا. KAZINFORM - قارجى نارىعىن رەتتەۋ جانە دامىتۋ اگەنتتىگى ۇلتتىق بانكپەن بىرلەسىپ، Kaspi Bank ءتىڭ ءبولىپ تولەۋ جارناماسىنداعى «0-0-24» تۇجىرىمىن زەردەلەپ جاتىر.
ۆەدومستۆو مۇنداي تۇجىرىم كەزىندە تۇرعىندارعا ونىڭ شارتتارى جايلى تولىققاندى اقپارات بەرىلۋى ءتيىس دەپ سانايدى.
«جارنامانى رەتتەۋگە قاتىستى ايتار بولساق، جارناما - بۇل ساۋدانىڭ قوزعاۋشى كۇشى. ال ساۋدا - بۇل ەكونوميكانىڭ ۇلكەن بولىگى. ج ءى ءو- ءنىڭ 17 پايىزى - بۇل ساۋدا. مۇلدەم شەكتەۋ اقىلعا قونىمسىز بولار ەدى. دەگەنمەن، قارجى نارىعىن رەتتەۋ جانە دامىتۋ اگەنتتىگىنىڭ «0-0-24» ستاندارتتى سيفرى حالىق ءۇشىن تولىق جازىلۋىنا قاتىستى جوسپارى بار ەكەندىگىن بىلەمىز. ويتكەنى، 3 سيفردى كورگەن كەزدە ءمان- جايىن جەتە تۇسىنبەيسىڭ، قارجىلىق ساۋاتتىلىقتىڭ مۇنداي دەڭگەيى جوق. ارينە، سودان كەيىن شاماڭ جەتپەيتىن شەشىمدى قابىلداۋىڭ مۇمكىن. وسى ورايدا ءبىز شەشىم قابىلداۋعا قاتىسامىز، كومەكتەسەمىز. مەنىڭشە، تىيىم سالۋعا بولمايدى. ءبىراق، ادامدار نە ىستەپ جاتقانىن، شارتتارى قانداي ەكەنىن، ول ءۇشىن قانداي تولەم جاسايتىندىعىن ءبىلۋى ءۇشىن اشىقتىق قاجەت»، - دەدى ۇلتتىق بانك ءتوراعاسى تيمۋر سۇلەيمەنوۆ ەلوردادا وتكەن بريفينگتە.
ونىڭ پايىمىنشا، «Kaspi-جۇما» جارناماسى تاباندى، ءبىراق اگرەسسياشىل ەمەس. تاڭداۋ تۇتىنۋشىنىڭ ەركىندە.
جالپى، تيمۋر سۇلەيمەنوۆتىڭ پايىمىنشا، تۇتىنۋشىلىق نەسيە نارىعى، كەپىلسىز تۇتىنۋشىلىق نارىق قوسىمشا رەتتەۋدى قاجەت ەتەدى.
