KASE بيرجا الاڭىنداعى ساۋدا- ساتتىق فرانكفۋرت اۋكسيونى نىسانىندا ءوتتى

نۇر- سۇلتان. قازاقپارات - جاھاندىق قارجى نارىقتارىنداعى قۇبىلمالىلىقتىڭ كۇشەيۋى اياسىندا جانە ىشكى ۆاليۋتا نارىعىنداعى احۋالدىڭ تۇراقسىزدانۋىنا جول بەرمەۋ ماقساتىندا 9-ناۋرىزدا KASE بيرجا الاڭىنداعى ساۋدا- ساتتىق فرانكفۋرت اۋكسيونى نىسانىندا ءوتتى، دەپ حابارلايدى ق ر ۇلتتىق بانكىنىڭ باسپا ءسوز قىزمەتى.

فرانكفۋرت اۋكسيونى تەتىگى اۋكسيوننىڭ تۇپكىلىكتى باعاسىن ايقىنداۋعا مۇمكىندىك بەرەدى، ول بويىنشا مامىلەلەردىڭ بارىنشا جوعارى ىقتيمال كولەمى جاسالادى جانە نەگىزسىز قۇبىلمالىلىقتىڭ الدىن الۋعا باعىتتالادى. اۋكسيون قورىتىندىسى بويىنشا تەڭگە باعامى ءبىر ا ق ش دوللارى ءۇشىن 510,00 تەڭگە دەڭگەيىندە قالىپتاستى. ساۋدا- ساتتىق كولەمى 210,7 ميلليون ا ق ش دوللارىن قۇرادى. ق ر ۇ ب ۆاليۋتالىق ينتەرۆەنتسيالارى 198,9 ميلليون ا ق ش دوللارى، ق ر ۇ ب قاتىسۋ ۇلەسى %94,4 بولدى.