كارىم ءماسىموۆتىڭ ءۇيى الەۋمەتتىك قاجەتتىلىكتەر ءۇشىن پايدالانۋعا بەرىلەدى
ۇ ق ك بۇرىنعى باسشىسى كارىم ءماسىموۆتىڭ ءۇيى قالانىڭ الەۋمەتتىك قاجەتتىلىكتەرىنە پايدالانۋعا بەرىلەدى، دەپ حابارلايدى El.kz اقپارات اگەنتتىگى.
استانا قالاسىنىڭ اكىمدىگى ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە تيەسىلى بولعان ءزاۋلىم ءۇيدى «قايتارىلعان اكتيۆتەردى باسقارۋ كومپانياسىنا» بەرۋ تۋرالى رەسمي تۇردە ءوتىنىش ءبىلدىردى.
اتالعان ءۇي باستاپقىدا ساۋدا-ساتتىق ارقىلى ساتىلىمعا شىعارىلعان بولاتىن. ونىڭ باستاپقى باعاسى 1,6 ميلليارد تەڭگە دەپ باعالانعان. الايدا قازىرگى ۋاقىتتا ءۇي ساۋدا-ساتتىقتان الىنىپ، مەملەكەتتىك قاجەتىلىككە پايدالانۋعا بەرىلۋ تۋرالى شەشىم قابىلداندى.
بۇل اكتيۆتەردى باسقاراتىن «قايتارىلعان اكتيۆتەردى باسقارۋ كومپانياسى» 2023 -جىلى قۇرىلعان بولاتىن. ونىڭ نەگىزگى مىندەتى - سىبايلاس جەمقورلىق جانە زاڭسىز جولمەن الىنعان مۇلىكتەردى مەملەكەت مەنشىگىنە قايتارىپ، ولاردى ءتيىمدى باسقارىپ، ساتۋدان تۇسكەن قاراجاتتى مەملەكەتتىك بيۋدجەتكە اۋدارۋ.
اكىمدىك مالىمەتىنشە، ءۇي ەندى قالانىڭ الەۋمەتتىك ماقساتتاعى جوبالارىنا - ءبىلىم، دەنساۋلىق ساقتاۋ نەمەسە قوعامدىق قاجەتتىلىكتەرگە قولدانىلادى.
