كارىم ءماسىموۆ تۇرمەدە وزگە سوتتالعاندارمەن بىرگە وتىر
استانا. KAZINFORM - ىشكى ىستەر ءمينيسترىنىڭ ورىنباسارى - قىلمىستىق اتقارۋ جۇيەسى كوميتەتىنىڭ ءتوراعاسى اباي قايىربەكوۆ سەنات وتىرىسىنان كەيىن ب ا ق وكىلدەرىنە ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتىڭ جازاسىن قانداي كامەرادا وتەپ جاتقانىن ايتتى.
- بۇل سوتتالعان ازاماتتىڭ دەنساۋلىق جاعدايى تۋرالى مالىمەت ءقازىر قىلمىستىق اتقارۋ جۇيەسىنىڭ مەكەمەسىندە ۇستاۋ تالاپتارىنا سايكەس كەلەدى. قانداي دا ءبىر مازالايتىن فاكتورلار جوق. ال سوتتالعانداردى مەديتسينالىق تۇرعىدان قامسىزداندىرۋ دەنساۋلىق ساقتاۋ مينيسترلىگىنىڭ قۇزىرىندا. ءبىز ول فۋنكسيانى سولارعا بەرگەنبىز، - دەدى ىشكى ىستەر ءمينيسترىنىڭ ورىنباسارى.
ول قازىر جالعىز كىسىلىك كامەرادا وتىر ما، الدە وزگە سوتتالعاندارمەن بىرگە وتىر ما، - دەپ سۇرادى ب ا ق وكىلى.
- ءماسىموۆ جازاسىن سوت ۇكىمىنە ساي وتەپ جاتىر. زاڭنامادا كوزدەلگەن تالاپتاردىڭ ءبارىن ساقتاپ وتىر. ول جازاسىن وزگە سوتتالعاندارمەن بىرگە وتەپ جاتىر، - دەدى اباي قايىربەكوۆ.
بۇعان دەيىن ءى ءى م باسشىسى دا كارىم ءماسىموۆتىڭ دەنساۋلىعى تۋرالى قاۋەسەتتەرگە جاۋاپ بەرگەن بولاتىن.
اۆتور
ەسىمجان ناقتىباي
