كانۆون-2024: قازاقستاندىق اتلەتتەر وليمپياداعا قاشان اتتانادى
15- قاڭتار كۇنى استاناداعى جاقسىلىق ۇشكەمپىروۆ اتىنداعى جەكپە-جەك سارايىندا كانۆون-2024 IV قىسقى جاس وسپىرىمدەر وليمپياداسىنا قاتىساتىن سپورتشىلاردى سالتاناتتى شىعارىپ سالۋ ءراسىمى وتەدى، دەپ حابارلايدى Kazinform.
ق ر ت س م سپورت جانە دەنە شىنىقتىرۋ ىستەرى كوميتەتى ءمالىم ەتكەندەي، شارا بارىسىندا كونكيمەن جۇگىرۋ سپورتىنىڭ وكىلى كريستينا شۋمەكوۆا مەن شورت-ترەكشى ەراسىل شىڭعىسحانعا كوك تۋىمىز تابىستالىپ، سپورتشىلار انت بەرەدى. تابىستالعان تۋدى جاس وسپىرىمدەر وليمپياداسىنىڭ اشىلۋ سالتاناتىندا ۇستاپ شىعادى.
جيىنعا ق ر تۋريزم جانە سپورت ءمينيسترى، ۇلتتىق وليمپيادا كوميتەتىنىڭ باسشىلارى، سپورت ارداگەرلەرى مەن وليمپيادا ويىندارىنىڭ جۇلدەگەرلەرى قاتىسادى.
ازيا قۇرلىعى العاش رەت قابىلدايتىن جاستار ويىندارىنا قازاقستان 10 باعدارلامادا 42 سپورتشى اپارادى. ال دەلەگاتسيا ساپىندا رەسمي وكىلدەر، باپكەرلەر، دارىگەرلەر مەن ب ا ق وكىلدەرىن قوسقاندا 80 نەن استام ادام بولادى.
بارلىعى باسەكە كەزىندە 79 مەملەكەتتەن جينالعان 1900 گە جۋىق اتلەت كۇش سىناسادى دەپ جوسپارلانعان.
اۆتور كۇنسۇلتان وتارباي
