11:15, 21 - قاڭتار 2024 | GMT +6
كانۆون-2024: قازاقستان قورجىنىنا ەكىنشى مەدال ءتۇستى
استانا. KAZINFORM - وڭتۇستىك كورەيانىڭ كانۆون قالاسىندا IV قىسقى جاس وسپىرىمدەر وليمپياداسىنىڭ ەكىنشى كۇنى قازاقستان قورجىنىنا ەكىنشى مەدال ءتۇستى.
شورت-ترەكتەن 1000 مەتر قاشىقتىقتا سىنعا تۇسكەن سپورتشىلارىمىز اراسىنان پولينا ومەلچۋك مارە سىزىعىن ءۇشىنشى بولىپ كەسىپ ءوتىپ، قازاقستان قورجىنىنا قولا مەدال سالدى.
ول 1000 مەتر قاشىقتى 1:41,600 ۋاقىت كورسەتكىشىمەن باعىندىردى.
اتالعان سىندا ءبىرىنشى جانە ەكىنشى ورىنداردى قىتايلىق سپورتشىلار تسزينتسزى لي مەن تسزينچجۋ يان جەڭىپ الدى.
ەستەرىڭىزگە سالا كەتەيىك، كەشە وليمپيادانىڭ العاشقى كۇنى شاڭعىمەن تۇعىردان سەكىرۋدەن قازاقستان كومانداسىنىڭ مۇشەسى يليا ميزەرنىح چەمپيون اتانىپ، تۇڭعىش التىندى جەڭىپ العانىن جازعان بولاتىنبىز.
اۆتور كۇنسۇلتان وتارباي
