كانۆون-2024: قازاقستان قۇراماسى مەدالدار كەستەسىندە 18-ورىنعا سىرعىدى
كانۆون. KAZINFORM - وڭتۇستىك كورەيانىڭ كانۆون قالاسىندا ءوتىپ جاتقان جاس وسپىرىمدەر وليمپياداسىنىڭ ونىنشى كۇنى قازاقستان قۇراماسى جالپىكوماندالىق ەسەپتە 18-ورىنعا سىرعىدى.
قازاقستان قۇراماسى ازىرگە 1 التىن، 2 قولا مەدالمەن جالپى مەدالدار كەستەسىندە چەحيا جانە پولشا قۇرامالارىمەن بىرگە 18-ورىندى ءوزارا ءبولىسىپ تۇر.
ال، جالپىكوماندالىق ەسەپتە ازىرگە يتاليا قۇراماسىنا تەڭ كەلەر ەشكىم بولماي تۇر. بۇگىن ولار التىن مەدال سانىن 11 گە جەتكىزدى. وسىلايشا 11 التىن، 3 كۇمىس، 3 قولامەن يتاليالىقتار جەكە دارا كوش باستاپ كەلەدى.
ال ەكىنشى ورىندا 7 التىن، 4 كۇمىس، 5 قولا مەدالمەن گەرمانيا قۇراماسى كەلە جاتسا، ۇزدىك ۇشتىكتى 6 التىن، 3 كۇمىس، 4 قولا مەدالمەن فرانسيا قۇراماسى تۇيىندەپ تۇر.
مەدالدار كەستەسىندەگى العاشقى وندىققا ەنگەن ەلدەر:
- يتاليا - 11 التىن، 3 كۇمىس، 3 قولا (17)
- گەرمانيا - 7 التىن، 4 كۇمىس، 5 قولا (16)
- فرانسيا - 6 التىن، 3 كۇمىس، 4 قولا (13)
- قىتاي - 5 التىن، 8 كۇمىس، 3 قولا (16)
- اۆستريا - 5 التىن، 6 كۇمىس، 5 قولا (16)
- وڭتۇستىك كورەيا - 5 التىن، 5 كۇمىس، 4 قولا (14)
- ا ق ش - 4 التىن، 8 كۇمىس، 3 قولا (15)
- شۆەتسيا - 3 التىن، 4 كۇمىس، 3 قولا (10)
- كانادا - 3 التىن، 2 كۇمىس (5)
- نيدەرلاند - 3 التىن 1 كۇمىس، 1 قولا (5)
اۆتور كۇنسۇلتان وتارباي
