كانۆون-2024: قازاقستان جالپى مەدالدار كەستەسىندە جوعارى كوتەرىلدى

استانا. KAZINFORM - وڭتۇستىك كورەيانىڭ كانۆون قالاسىندا ءوتىپ جاتقان جاس وسپىرىمدەر وليمپياداسىنىڭ التىنشى جارىس كۇنىندە قازاقستان قۇراماسى جالپى مەدالدار كەستەسىندە 16- ورىننان 15-ورىنعا كوتەرىلدى.

وعان باستى سەبەپ، بۇگىن كانۆون قالاسىندا (وڭتۇستىك كورەيا) قازاقستاندىق حوككەيشىلەر قولا مەدال ءۇشىن تالاستا اۋستريا قۇراماسىن 6:5 ەسەبىمەن جەڭىپ، وليمپيادانىڭ قولا جۇلدەسىن جەڭىپ العان بولاتىن.

وسى جەڭىستەن كەيىن قازاقستان قۇراماسى جالپىكوماندالىق ەسەپتە ءبىر ساتى جوعارلادى.

جالپى ەسەپتە يتاليا ءالى كوش باستاپ كەلەدى. ولاردىڭ قورجىنىندا ءدال قازىرگى ۋاقىتتا 9 التىن، 2 كۇمىس، 3 قولا مەدال بار.

ەكىنشى ورىندا كەلە جاتقان فرانسيا قۇراماسىنىڭ ەنشىسىندە 6 التىن، 3 كۇمىس، 4 قولا مەدال بولسا، ۇزدىك ۇشتىكتى تۇيىندەپ تۇرعان گەرمانيانىڭ قورجىنىندا 6 التىن، 3 كۇمىس، 3 قولا مەدال بار.

مەدالدار كەستەسىندەگى العاشقى وندىققا ەنگەن ەلدەر:

1. يتاليا - 9 التىن، 2 كۇمىس، 3 قولا (14)
2. فرانسيا - 6 التىن، 3 كۇمىس، 4 قولا (12)
3. گەرمانيا - 6 التىن، 3 كۇمىس، 3 قولا
4. قىتاي - 5 التىن، 7 كۇمىس، 2 قولا (14)
5. اۆستريا - 3 التىن، 6 كۇمىس، 5 قولا (14)
6. وڭتۇستىك كورەيا - 3 التىن، 4 كۇمىس، 4 قولا (11)
7. ۇلى بريتانيا - 3 التىن، 1 كۇمىس (4)
8. ا ق ش - 2 التىن، 4 كۇمىس (6)
9. لاتۆيا - 2 التىن 3 كۇمىس، 1 قولا (6)
10. شۆەتسيا - 2 التىن، 2 كۇمىس 3 قولا (7) .

اۆتور كۇنسۇلتان وتارباي