كانۆون-2024: كوك تۋدى الىپ شىعۋ مەن ءۇشىن ۇلكەن مارتەبە - ەراسىل شىڭعىسحان
استانا. KAZINFORM - ساناۋلى كۇندەردەن سوڭ وڭتۇستىك كورەيانىڭ كانۆون قالاسىندا IV قىسقى جاس وسپىرىمدەر وليمپياداسى باستالادى. بۇگىن ەلوردادا سپورتشىلاردى شىعارىپ سالۋ سالتاناتتى شاراسى ءوتتى. ەلىمىزدىڭ تۋىن 16 جاسار ورالدىق ەراسىل شىڭعىسحان الىپ شىعادى.
«وليمپياداعا سوڭعى 2 اي بويى دايىندالدىق. جۇلدە الۋعا مۇمكىندىك مول. تۋىمىزدى كوككە كوتەرەمىز دەپ ويلايمىن. كوك تۋدى الىپ شىعۋ مەن ءۇشىن ۇلكەن مارتەبە. شورت-ترەك بويىنشا نەگىزگى قارسىلاستار وڭتۇستىك كورەيا، قىتاي، كانادا. وسى وليمپياداعا دەيىن 2023 -جىلى شورت-ترەكتەن رەسەيدە وتكەن حالىقارالىق سايىسقا قاتىسىپ، Ⅱ ورىن الدىم. كانۆون قىسقى وليمپياداسىندا جەكە جانە كوماندامەن سىنعا تۇسەمىز»، - دەدى ەراسىل شىڭعىسحان.
جاس سپورتشىنىڭ ايتۋىنشا، ول شورت-ترەك سپورتىمەن سوڭعى 7 جىل بويى اينالىسىپ كەلەدى.
«دايىندىق استانادا ءوتتى. بارلىق جاعداي جاسالدى. كانۆون قىسقى وليمپياداسىنىڭ اشىلۋ سالتاناتىندا تۋىمىزدى الىپ شىعۋىما باپكەرىم تانابەك ماناربەك ۇلىنىڭ ۇلەسى زور»، - دەدى ول.
ايتا كەتسەك، جاسوسپىرىمدەر وليمپياداسىندا قازاقستان تۋىن «ۇلتتار شەرۋى» كەزىندە قازاقستان تۋىن كونكيمەن جۇگىرۋدەن پەتروپاۆلدان ۇلتتىق قۇرامانىڭ مۇشەسى كريستينا شۋمەكوۆا مەن ورالدىق شورت-ترەكشى ەراسىل شىڭعىسحان الىپ شىعادى.
