كانەلو سۋپەرايقاس وتكىزەدى

استانا. قازاقپارات - UFC پرەزيدەنتى دانا ۋايت امەريكالىق تەرەنس كروۋفورد (23-1، 9 KO) پەن مەكسيكالىق ساۋل كانەلو الۆارەس (63-2-2، 39 KO) اراسىنداعى سۋپەر جەكپە-جەككە قاتىستى پىكىر ءبىلدىردى.

جىلدىڭ باستى وقيعالارىنىڭ ءبىرى اتانۋى مۇمكىن بۇل جەكپە-جەك 13-قىركۇيەكتە ا ق ش- تىڭ لاس-ۆەگاس قالاسىندا وتەدى.

«بۇل تاريحتاعى ەڭ ۇلكەن جەكپە-جەكتەردىڭ ءبىرى بولماق. مەن ءۇشىن ونىڭ ءبىر بولىگى بولۋ - ۇلكەن مارتەبە. مەن شوۋ ارەناسىن ۇيىمداستىرۋ، PR، جارناما جانە باسقا دا جۇمىستارمەن اينالىسامىن. قىسقاشا ايتقاندا، UFC Noche تۋرنيرى الدىندا جاساعان جۇمىستارىممەن اينالىسامىن»، - دەدى ۋايت ESPN- گە بەرگەن سۇحباتىندا.

ايتا كەتەيىك، 2025-جىلى 3-مامىردا كانەلو ساۋد ارابياسىنىڭ ەر-رياد قالاسىندا كۋبالىق ۋيليام سكۋللمەن وتكەن جەكپە-جەكتە تورەشىلەر شەشىمىمەن جەڭىسكە جەتتى.

ال كروۋفورد كەيىنگى جەكپە-جەگىندە وزبەكستاندىق يسرايل مادريموۆتى (10-2-1، 7 KO) جەڭگەن بولاتىن. بۇل كەزدەسۋ 2024-جىلى تامىزدا ا ق ش- تا وتكەن ەدى.