كامچاتكاداعى جەر سىلكىنىسىنەن كەيىن جانارتاۋلار اتقىلاي باستادى

استانا. KAZINFORM - كامچاتكادا بەس جانارتاۋدا ءبىر مەزگىلدە بەلسەندىلىك بايقالۋدا، سول سەبەپتى ولارعا جاقىنداۋعا بولمايدى، دەپ حابارلايدى ت ا س س اگەنتتىگى.

رەسەيدىڭ توتەنشە جاعدايلار مينيسترلىگىنىڭ ايماقتىق باسقارماسى كەلەسى جانارتاۋلار تۋرالى مالىمەت بەردى:

كليۋچيەۆسكوي - جانارتاۋ شىڭىندا اتقىلاۋ جالعاسىپ، كۇشەيىپ كەلەدى، سترومبولي تيپىندەگى جارىلىستار، كۇل لاقتىرۋ جانە لاۆا اعىندارىنىڭ ءتۇسۋى بايقالادى. كۇل بۇلتتارىنىڭ بيىكتىگى 10 ك م-گە دەيىن جەتۋى مۇمكىن.

شيۆەلۋچ - ەكسترۋزيۆتى- ەكسپلوزيۆتى اتقىلاۋ جالعاسۋدا، كۇل شىعارىندىلارى 8 ك م-گە دەيىن كوتەرىلۋى ىقتيمال.

كارىمسكي - شىڭدىق اتقىلاۋ جالعاسۋدا، كۇل لاقتىرۋ 8 ك م-گە دەيىن جەتۋى مۇمكىن.

بەزىمياننىي - ءالسىز ەكسترۋزيۆتى- ەكسپلوزيۆتى بەلسەندىلىك تىركەلىپ وتىر، ءالسىز كۇل شىعارىندىلارى بولۋى مۇمكىن.

كامبالنىي - جانارتاۋدا سەيسميكالىق بەلسەندىلىك تىركەلۋدە، بۇل جارىلىستى اتقىلاۋعا اكەلۋى ىقتيمال. كۇل بۇلتتارىنىڭ بيىكتىگى 6 ك م-گە دەيىن جەتۋى مۇمكىن.

عالىمداردىڭ پىكىرىنشە، شيۆەلۋچ پەن كليۋچيەۆسكوي جانارتاۋلارىنىڭ بەلسەندىلىگى 30-شىلدەدە بولعان جويقىن جەر سىلكىنىسىنەن كەيىن كۇشەيە تۇسكەن.

كامچاتكاداعى ءزىلزالادان كەيىنگى جاعداي
30-شىلدەدە كامچاتكا ماڭىنداعى تەڭىزدە 8,8 ماگنيتۋدالىق جويقىن جەر سىلكىنىسى بولدى. بۇل - 1952 -جىلدان بەرى تىركەلگەن ەڭ قۋاتتى سىلكىنىس. جەر سىلكىنىسى تىنىق مۇحيتىندا سۋناميدى تۋدىردى. وسىعان بايلانىستى جاپونيا، ا ق ش جانە فيليپپين بيلىگى قاۋىپ تۋرالى ەسكەرتۋ جاريالادى.

سەيسمولوگتاردىڭ دەرەگى بويىنشا:

ءبىر تاۋلىكتە 146 افتەرشوك تىركەلگەن، ماگنيتۋداسى 3,2 دەن 6,2 گە دەيىن.

ادامدار تۇرعان جەرلەردە 20 دان استام ءدۇمپۋ 2-5 بال ارالىعىندا سەزىلدى.

قازىرگى تاڭدا 160 تان استام ادام ۋاقىتشا ورنالاستىرۋ پۋنكتتەرىندە تۇرىپ جاتىر.

ر ف ت ج م پسيحولوگتارى تۇرعىندارمەن جۇمىس جۇرگىزىپ جاتىر.

سەيسميكالىق بەلسەندىلىك بىرتىندەپ تومەندەپ كەلە جاتقانىنا قاراماستان، ول ءالى دە جوعارى دەڭگەيدە. عالىمداردىڭ بولجامىنشا، افتەرشوكتار بىرنەشە ايعا دەيىن جالعاسۋى مۇمكىن.

كامچاتكاداعى جەر سىلكىنىسىنەن كەيىن كليۋچيەۆسكايا سوپكا جانارتاۋى اتقىلاي باستاعانىن حابارلاعان ەدىك.