ك ق ك ازاماتتىق نىساندارىنا شابۋىل جاساۋ فاكتىسى بويىنشا قىلمىستىق ءىس قوزعالدى

استانا. KAZINFORM - رەسەي تەرگەۋ كوميتەتى كاسپي قۇبىر كونسورتسيۋمىنىڭ ازاماتتىق نىساندارىنا جاسالعان شابۋىل فاكتىسى بويىنشا قىلمىستىق ءىس قوزعادى.

بۇل جايىندا كونسورتسيۋمنىڭ رەسمي سايتىندا جاريالانعان اقپاراتتا ايتىلعان.

- رەسەي فەدەراتسياسى تەرگەۋ كوميتەتىنىڭ باس تەرگەۋ باسقارماسى 2025 -جىلدىڭ 17-اقپانىندا ر ف قىلمىستىق كودەكسى 205-بابى 2-تارماعى «ا»، «ۆ» تارماقشالارىندا كوزدەلگەن قىلمىس بەلگىلەرى بويىنشا قىلمىستىق ءىس قوزعاۋ تۋرالى قاۋلى شىعاردى. ءىس ۋكراينا ق م باس بارلاۋ باسقارماسىنىڭ، ۋكراينا قارۋلى كۇشتەرىنىڭ جانە ۋكراينانىڭ وزدەرىنىڭ باقىلاۋىنداعى اۋماعىندا جۇرگەن وزگە دە اسكەري قۇرىلىمداردىڭ اسكەري قىزمەتشىلەرىنە قارسى قوزعالدى. ولار قىلمىستىق بۇيرىقتى ورىنداپ، ۇشقىشسىز ۇشاتىن اپپاراتتاردى قولدانۋ ارقىلى ازاماتتىق ينفراقۇرىلىم نىساندارىنا شابۋىل جاسادى، - دەلىنگەن كومپانيا تاراتقان اقپاراتتا.

كەشە كاسپي قۇبىر كونسورتسيۋمىنىڭ «كروپوتكينسكايا» مۇناي ايداۋ ستانساسىنا ۇشقىشسىز ۇشاتىن اپپاراتپەن شابۋىل جاسالدى.

وسىدان كەيىن ەلىمىزدىڭ ەنەرگەتيكا مينيسترلىگى قازاقستان مۇنايى ءۇشىن ك ق ك تاراپىنان ەش شەكتەۋ جوقتىعىن، مۇنايدى قابىلداۋ شتاتتىق رەجيمدە جۇزەگە اسىرىلىپ جاتقانىن مالىمدەگەن ەدى.

الايدا، رەسەيلىك «ترانسنەفت» كومپانياسىنىڭ رەسمي سايتىندا بۇگىن جاريالانعان اقپاراتتا قازاقستان تاراپىنان مۇناي ايداۋ كولەمىنىڭ قىسقارۋى مۇمكىن ەكەندىگى ايتىلادى.

اۆتور

مارلان جيەمباي