ك ح د ر رەسەي-ۋكراينا قاقتىعىسىنا ءوز اسكەرىنىڭ قاتىساتىنىن راستادى
استانا. KAZINFORM - ك ح د ر بيلىگى ۋكراينامەن اسكەري قاقتىعىسقا قاتىسۋ ءۇشىن رەسەيگە اسكەري قىزمەتكەرلەرىن جىبەرگەنىن العاش رەت راستادى، دەپ حابارلايدى BBC.
Yonhap كورەيا ورتالىق اقپارات اگەنتتىگىنىڭ (KCNA) مالىمەتتەرىنە سىلتەمە جاساپ حابارلاعانداي، اسكەردى جىبەرۋ ەكى ەل اراسىنداعى جان-جاقتى ستراتەگيالىق سەرىكتەستىك تۋرالى كەلىسىمگە سايكەس «سولتۇستىك كورەيا كوشباسشىسى كيم چەن ىننىڭ بۇيرىعىمەن» جۇزەگە اسىرىلدى.
- ۋكراينا بيلىگىنىڭ رەسەي فەدەراتسياسىنا اۆانتيۋرالىق باسىپ كىرۋىنە تويتارىس بەرۋ ءۇشىن كۋرسك وبلىسىن ازات ەتۋ وپەراتسيالارى جەڭىسپەن اياقتالدى، - دەلىنگەن KCNA حابارلاماسىندا.
وندا ك ح د ر قارۋلى كۇشتەرىنىڭ بولىمشەلەرى وپەراتسيالارعا «مەملەكەت باسشىسى كيم چەن ىننىڭ بۇيرىعىنا سايكەس» قاتىسقانى قوسىلىپ ايتىلعان.
سەنبى كۇنى رەسەي باس شتابىنىڭ باسشىسى ۆالەري گەراسيموۆ ۆلاديمير پۋتينگە كۋرسك وبلىسىنداعى جاعداي تۋرالى ەسەپ بەرىپ، «سولتۇستىك كورەيانىڭ اسكەري قىزمەتكەرلەرى ايماقتى ازات ەتۋگە ايتارلىقتاي كومەك كورسەتكەنىن» مالىمدەدى.
گەراسيموۆتىڭ مالىمدەمەسى ك ح د ر اسكەرلەرىنىڭ رەسەيگە جىبەرىلگەنى تۋرالى العاشقى رەسمي راستاۋ بولدى.
وڭتۇستىك كورەيا ك ح د ر- مەن ديالوگكە اشىق ەكەنىن جازعان بولاتىنبىز.
