جەڭىستىڭ 80 جىلدىعىن تويلاۋدىڭ بىرلەسكەن ءىس- شارالار جوسپارى بەكىتىلۋى مۇمكىن
استانا. KAZINFORM - ەكىنشى دۇنيەجۇزىلىك سوعىستاعى جەڭىستىڭ 80 جىلدىعىن ۇجىمدىق قاۋىپسىزدىك تۋرالى شارت ۇيىمى اياسىندا اتاپ ءوتۋدىڭ جوسپارى بەكىتىلۋى مۇمكىن.
بۇل تۋرالى مەملەكەت باسشىسى قاسىم-جومارت توقايەۆ ۇجىمدىق قاۋىپسىزدىك كەڭەسىنىڭ كەڭەيتىلگەن وتىرىسىندا ايتتى.
«ارداگەرلەردىڭ قاھارماندىعى، تىل ارداگەرلەرىنىڭ ەڭبەكتەگى ەرەن ەرلىگى ءبىزدىڭ جادىمىزدا ماڭگى قالادى. ولار ءبارىمىز ءۇشىن شەكسىز ماقتانىش پەن سىيلاستىقتىڭ سارقىلماس كوزى. اتاۋلى كۇننىڭ قارساڭىندا ۇقشۇ ۇجىمدىق قاۋىپسىزدىك كەڭەسىنىڭ مالىمدەمەسىن قابىلداپ، ايتۋلى داتانى مەرەكەلەۋ جونىندەگى ءىس-شارالار جوسپارىن بەكىتۋ ماڭىزدى دەپ سانايمىز. بۇگىن ايتىلعان ۇسىنىستار مەن باستامالار ۇيىمعا قاتىسۋشى مەملەكەتتەردىڭ مۇددەسى ءۇشىن ىسكە اسىرىلاتىنىنا سەنىمدىمىن»، - دەدى قاسىم-جومارت توقايەۆ.
مەملەكەت باسشىسى قازاقستان ۇيىمعا ءتوراعالىق ەتكەن كەزدە 60 قا جۋىق ماڭىزدى شارا ۇيىمداستىرىلعانىن اتاپ ءوتتى.
«قۇرمەتتى ارىپتەستەر، قازاقستاننىڭ ۇ ق ش ۇ ءتوراعالىعى اياسىندا ىنتىماقتاستىقتىڭ جارعىلىق باعىتتارى بويىنشا 60 قا جۋىق ءىس-شارا وتكىزىلدى. ءبىز سەرىكتەستەرمەن بىرگە كەلىسىلگەن تاسىلدەردى حالىقارالىق ارەنادا ىلگەرىلەتۋ باعىتىندا جۇمىس ىستەدىك»، - دەدى پرەزيدەنت.
