جەڭىس قاسىمبەك استاناداعى كەپتەلىستى كوپ كوپىر سالۋ ارقىلى شەشپەك
استانا. KAZINFORM - سوڭعى ۋاقىتتا ەلوردادا 9 بالدىق كەپتەلىس كورسەتكىشى ءجيى تىركەلەدى.
- كەپتەلىس نەگىزىنەن قالانىڭ ەكى جاعالاۋىن جالعايتىن كوپىرلەردىڭ ماڭىندا تۋىنداپ وتىر. بۇگىندە قالادا 9 كوپىر بار. سوندىقتان، الدىمەن وزەننىڭ ەكى جاعالاۋىن بايلانىستىراتىن كوپىرلەردى كوبەيتۋ كەرەك. قازىر مۇنداي قۇرىلىستاردىڭ جوباسى قارالىپ جاتىر، - دەدى جەڭىس قاسىمبەك قالانىڭ الەۋمەتتىك-ەكونوميكالىق دامۋى تۋرالى ەسەپ بەرە تۇرىپ.
وسى ورايدا شاھار باسشىسى ۇلى دالا جانە تاۋەلسىزدىك داڭعىلىنداعى كوپىردى پايدالانۋعا بەرۋ ارقىلى ماڭگىلىك ەل جانە تۇران داڭعىلىندا كەپتەلىستىڭ بەلگىلى ءبىر دەڭگەيدە ازايعانىن ايتىپ وتىر.
- وتكەن جىلى ش. ايتماتوۆ كوشەسىن ۇلى دالا داڭعىلىن جالعايتىن كوپىردى ىسكە قوستىق. بۇل باعىتتاعى جۇمىس جالعاسادى، قولدانىستاعى جول كولەمى ۇلعايادى جانە كەڭەيەدى. سونىمەن قاتار كوپىرلەر مەن قوعامدىق كولىكتەر سانى ارتادى. قالا تۇرعىندارى قوعامدىق كولىككە كوشۋى ءۇشىن بارىنشا قولايلى ينفراقۇرىلىم قۇراتىن بولامىز. سونىمەن قاتار، LRT- ءدى ءبىر جىلدان كەيىن ىسكە قوسىلعاندا جۇكتەمە جەڭىلدەيدى، - دەيدى ج. قاسىمبەك.
ايتا كەتەيىك، ەلوردانىڭ تاعى ءبىر پروبلەماسى جىل سايىن جاۋىن-شاشىن ماۋسىمىندا قالا كوشەلەرىن سۋ شايادى. وسىعان وراي اكىم قالادا سۋ شايۋ بويىنشا شەشىلمەگەن ءتورت قانا ۋچاسكەنىڭ قالعانىن ايتتى.
