19:04, 30 - قىركۇيەك 2024 | GMT +6
جىلقى جالىن كىم ءورىپ كەتەدى
استانا. قازاقپارات - «تۇندە ارقانداۋلى تۇرعان اتتىڭ جالىن كىم ءورىپ كەتەدى - دەپ سۇراعاندا، ۇلكەندەر «شايتان» - دەيتىن.
انىعىندا اتتىڭ جالىن ورىسشا لاسكا دەپ اتالاتىن جانۋار ءورىپ كەتەدى ەكەن. بۇل جانۋار اتتىڭ جالىن جالاپ، اعزاسىنا كەرەك تۇز الادى»، - دەپ جازادى الەۋمەتتىك جەلىدەگى پاراقشاسىندا اقان سەرىك اتتى ازامات.
وسى جازبانىڭ سوڭىنا ءبىر وقىرمان: «بۇل جانۋاردىڭ قازاقشا اتى-اقكىس. تيىننىڭ ۇلكەندىگىندەي بولادى. قۇيرىعى تيىنعا قاراعاندا سيدام بولادى. كۇزەن بۇدان ۇلكەندەۋ بولادى. سەرگەك جىلقىلار مۇنداي جانۋارلاردى ۇستىنە جولاتپايدى. ال ۇيقىشىل جىلقىنىڭ جالىن ءورىپ كەتەدى»،- دەگەن پىكىر قالدىرعان.
جىلقى جالىنىڭ شاتىسىپ ءورىلىپ قالۋىنا ونىڭ اعاشقا سۇيكەنىپ كوپ قاسىنۋى دا سەبەپ بولۋى مۇمكىن ەكەنى ايتىلعان.
