جىل سوڭىنا دەيىن ەل بويىنشا 112 جايلى مەكتەپ پايدالانۋعا بەرىلەدى
استانا. KAZINFORM - ونىڭ %45 ى اۋىلدىق جەرلەردە سالىنادى، دەپ حابارلايدى وقۋ-اعارتۋ مينيسترلىگىنىڭ باسپا ءسوز قىزمەتى.
قازاقستاندا زاماناۋي، قاۋىپسىز جانە قولجەتىمدى ءبىلىم بەرۋ ورتاسىن قۇرۋعا باعىتتالعان «جايلى مەكتەپ» ۇلتتىق جوباسى قارقىندى جۇزەگە اسىپ جاتىر.
- مەملەكەت باسشىسىنىڭ تاپسىرماسى اياسىندا 2025 -جىلدىڭ سوڭىنا دەيىن 206 مىڭ ورىندىق 112 مەكتەپ پايدالانۋعا بەرىلەدى. ونىڭ %45 ى اۋىلدىق جەرلەردە سالىنادى، - دەلىنگەن مينيسترلىك تاراتقان اقپاراتتا.
ايتا كەتەيىك، 2024 -جىلى جاڭا فورماتتاعى 105 مەكتەپ ەسىگىن ايقارا اشقان بولاتىن. ۇلتتىق جوبا بالالاردىڭ تۇرعىلىقتى جەرىنە قاراماستان، زاماناۋي تالاپتارعا سايكەس كەلەتىن ساپالى تەگىن بىلىمگە تەڭ قول جەتكىزۋى ءۇشىن جاعدايلار جاسايدى. ول مەكتەپتەردىڭ ماتەريالدىق- تەحنيكالىق بازاسىن جاقسارتىپ قانا قويماي، وقۋشىلاردىڭ شىعارماشىلىق جانە زياتكەرلىك قابىلەتتەرىن دامىتۋعا ىقپال ەتەتىن ءبىلىم بەرۋ ورتاسىن قالىپتاستىرۋعا باعىتتالعان. «جايلى مەكتەپ» ۇلتتىق جوباسى اياسىندا جالپى 460 مىڭ ورىندىق جاڭا فورماتتاعى 217 مەكتەپتىڭ قۇرىلىسى جوسپارلانعان.
