جىل باسىنان بەرى تەڭگە قانشا پايىزعا السىرەدى؟
ۇكىمەت وتىرىسىندا ۇلتتىق بانك ءتوراعاسىنىڭ ورىنباسارى دانيار ۆاگاپوۆ تەڭگەنىڭ السىرەۋى نەگە بايلانىستى ەكەنىن ايتتى.
«جىل باسىنان بەرى تەڭگە باعامى ءبىر ا ق ش دوللارى ءۇشىن 469,64 تەڭگەگە دەيىن، 1,5 پايىزعا السىرەدى. قازان ايىندا 1,1 پايىز بولدى. تەڭگەنىڭ السىرەۋى ءبىرقاتار سىرتقى جانە ىشكى فاكتورعا بايلانىستى»، - دەدى ول.
ۆاگاپوۆتىڭ سوزىنشە، ونىڭ ءبىرىنشى سەبەبى - دوللاردىڭ جاھاندىق نىعايۋى.
«ا ق ش-تىڭ فەدەرالدى رەزەرۆتىك جۇيەسىنىڭ قاتاڭ اقشا-كرەديت ساياساتى اسەر ەتىپ وتىر. ەكىنشىدەن، يمپورتتاۋشىلار تاراپىنان ماۋسىمدىق سۇرانىستىڭ ارتۋى. وعان جوبالاردى ىسكە اسىرۋ جانە بيۋدجەت قاراجاتىن يگەرۋ تسيكلىنىڭ جاندانۋى مەن باسقا دا فاكتورلار ىقپال ەتىپ وتىر»، - دەدى ۇلتتىق بانك وكىلى.
ەسكە سالايىق، بۇعان دەيىن ۇلتتىق بانك ءتوراعاسىنىڭ ورىنباسارى دانيار ۆاگاپوۆ ەلىمىزدە قانداي ازىق- تۇلىك قىمباتتاعانىن ايتقانى حابارلاندى.
