جىل باسىنان بەرى سۋيسيد جاساعان 14 جەتكىنشەك ماس بولعان

استانا. KAZINFORM - جىل باسىنان بەرى سۋيسيد جاساعان جانە سوعان ارەكەتتەنگەن 14 جەتكىنشەك ماس كۇيدە بولعان. بۇل تۋرالى ق ر ىشكى ىستەر مينيسترلىگى حابارلادى.

سونداي-اق ءوز-وزىنە قول جۇمساۋعا ارەكەتتەنگەن ءبىر جاسوسپىرىم ەسىرتكىلىك ماساڭ كۇيدە بولعان.

تالداۋ كورسەتكەندەي، سۋيسيدتەر مەن سۋيسيد جاساۋعا ارەكەتتەنۋدىڭ باسىم بولىگى 15-17 جاس ارالىعىندا، ياعني وتپەلى كەزەڭدەگى جاسوسپىرىمدەرگە تيەسىلى.

«قۇرمەتتى اتا-انالار، بالالاردىڭ مىنەز-قۇلقى مەن ەموتسيونالدىق جاعدايىن باقىلاۋدا ۇستاڭىزدار. ولارمەن اشىق اڭگىمەلەسىڭىزدەر. قىزىعۋشىلىقتارى تۋرالى ءبىلىپ جۇرىڭىزدەر. ۋاقىت ءبولىپ، بارىنشا قولداۋعا تىرىسىڭىزدار. بالالاردىڭ كوڭىل كۇيىندەگى، مىنەز-قۇلقىنداعى نەمەسە الەۋمەتتىك ورتاسىنداعى وزگەرىستەرگە نازار اۋدارىڭىزدار. جاي عانا جىلۋلىق پەن قامقورلىق تانىتۋدىڭ ءوزى قايعىلى جاعدايدىڭ الدىن الۋى مۇمكىن»، - دەدى ق ر ءىء ى م رەسمي وكىلى شىڭعىس الەكەشيەۆ.

ايتا كەتەيىك، جىل باسىنان بەرى سۋيسيدتىك بەلگىلەرى بار 43 ينتەرنەت-رەسۋرس انىقتالدى. ىشكى ىستەر مينيسترلىگى سوڭعى ۋاقىتتا مەسسەندجەرلەردە قاۋىپتى ويىندار تۋرالى اقپارات تارالعانىن ەسكەرتكەن ەدى. مۇنداي ويىنداردا ءوزىن-ءوزى ءولتىرۋ ەلەمەنتتەرى كەزدەسپەيدى، ءبىراق، وندا بالالاردىڭ پسيحيكاسىنا تەرىس اسەر ەتەتىن قاشۋ، باعىنباۋ سياقتى ارەكەتتەردى قۇپتاۋ قاۋپى بولۋى مۇمكىن.

اۆتور

ايجان سەرىكجان قىزى