جىل باسىنان بەرى قانشا قازاقستاندىق بۇيرەگىن الماستىردى

استانا. KAZINFORM - دەنساۋلىق ساقتاۋ ءمينيسترىنىڭ ءبىرىنشى ورىنباسارى تيمۋر سۇلتانعازيەۆ ءماجىلىس دەپۋتاتىنىڭ ساۋالىنا بەرگەن جاۋابىندا جىل باسىنان بەرى ەل اۋماعىندا 141 اعزا الماستىرۋ وتاسى جاسالعانىن ءمالىم ەتتى.

ايتا كەتۋ كەرەك، دەپۋتاتتىق ساۋال بۇيرەكتى اۋىر سىرقاتىنا قارسى ەم شارالارىنىڭ تيىمدىلىگىن جۇيەلى ستراتەگيالىق قادامدارمەن جەتىلدىرۋ، بۇيرەك جەتكىلىكسىزدىگىنە اكەلەتىن فاكتورلاردىڭ الدىن الۋ ماسەلەلەرى قامتىلعان.

- جىل باسىنان بەرى 141 اعزا ترانسپلانتاتسياسى جۇرگىزىلدى، ونىڭ ىشىندە 79 - بۇيرەك. ماۋسىم ايىنداعى جاعداي بويىنشا قايتىس بولعان دونوردان 24 ترانسپلانتاتسيا جاسالدى، ونىڭ ىشىندە 11 - بۇيرەك، - دەپ جازادى ءبىرىنشى ۆيتسە-مينيستر.

ونىڭ مالىمەتى بويىنشا، بىلتىر «بۇيرەك فۋنكتسياسىنىڭ جەتكىلىكسىزدىگى» N17-19 دياگنوزىنىڭ 5619 جاعدايى جاڭادان تىركەلگەن.

- زاڭناما ارقىلى رەتتەۋ ءۇشىن 2025-جىلعى 1-قاڭتاردان باستاپ 21 جاسقا دەيىنگى ازاماتتارعا ەنەرگەتيكالىق سۋسىنداردى ساتۋعا تىيىم سالىندى. سونداي-اق ساۋ ادامداردىڭ اعزاسىندا قانت ديابەتىنىڭ دامۋىن بولدىرماۋ ءۇشىن قۇرامىندا قانت بار سۋسىندارعا سالىق سالۋ ماسەلەسى پىسىقتالىپ جاتىر، - دەپ جازادى تيمۋر سۇلتانعازيەۆ.

ەسكە سالساق، ءساۋىر ايىندا ەلىمىزدە العاش رەت ۇشتىك ايقاس بۇيرەك ترانسپلانتاتسياسى جاسالعان ەدى.