جىل باسىنان بەرى ەلىمىزدە 20 مىڭنان استام زاڭسىز شەتەلدىك ينتەرنەت-رەسۋرس انىقتالدى – ءى ءى م
كوبىنە جاسوسپىرىمدەر ينتەرنەتتە تانىسىپ، الەۋمەتتىك جەلىلەر مەن مەسسەندجەرلەر ارقىلى حات الماسقاننان كەيىن جىنىستىق قىلمىستىڭ قۇربانى بولادى.
بۇل تۋرالى ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ، دەپ حابارلايدى Kazinform.
«تاعى ءبىر ماسەلە -ۆيرتۋالدى تانىسۋ. كوبىنە قىلمىستىق ءىس ماتەريالدارىنا سايكەس، جاسوسپىرىمدەر ينتەرنەتتە تانىسىپ، الەۋمەتتىك جەلىلەر مەن مەسسەندجەرلەر ارقىلى حات الماسقاننان كەيىن جىنىستىق قىلمىستىڭ قۇربانى بولادى. مينيسترلىك قۇزىرەتى شەڭبەرىندە ينتەرنەت جەلىسىندە قۇقىققا قايشى كونتەنتتەر انىقتالىپ جاتىر. الەۋمەتتىك جەلىلەردىڭ، وڭىرلىك قاۋىمداستىقتاردىڭ، توپتاردىڭ، تانىسۋ سايتتارىنا مونيتورينگ جۇرگىزىلەدى. ولار بالالارعا قاتىستى قىلمىس جاساۋدىڭ العىشارتى»، - دەدى قايسار سۇلتانبايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، جىل باسىنان بەرى زاڭسىز مازمۇنى بار 20 مىڭنان استام شەتەلدىك ينتەرنەت-رەسۋرستار انىقتالدى.
ماتەريالدار مادەنيەت جانە اقپارات مينيسترلىگىنىڭ «كيبەرقاداعالاۋ» اقپاراتتىق جۇيەسىنە جىبەرىلدى.
