جىل باسىنان بەرى استاناعا ميلليوننان اسا تۋريست كەلدى
استانا. قازاقپارات - 2024 -جىلدىڭ قاڭتار- قىركۇيەگىندە استاناعا 1097413 ادام كەلدى، ولاردىڭ باسىم بولىگىن ىشكى تۋريستەر قۇرايدى، دەپ حابارلايدى ەلوردا اكىمدىگىنىڭ رەسمي سايتى.
2024 -جىلى تۋريستەر استاناعا بۇرىنعىعا قاراعاندا 12 پايىزعا كوپ كەلدى. 1097413 ادامنىڭ 261964 ءى نەمەسە 23,9 پايىزى - شەتەلدىكتەر.
استاناعا ەڭ ۇلكەن تۋريستىك اعىن جاز ايلارىندا تىركەلدى. سونىمەن، ماۋسىمدا قالاعا 757068 ادام كەلسە، ولاردىڭ سانى شىلدەدە - 807219, تامىزدا - 829627 ادامعا جەتىپ، بۇل ءبىر جىلداعى ەڭ جوعارى كورسەتكىشكە يە بولدى.
استانا ءىرى حالىقارالىق ءىس- شارالاردى وتكىزۋ الاڭىنا اينالدى. بيىل ەلوردادا «Automechanika Astana 2024» ، «ەurasian Book Fair» ، Astana Half Marathon حالىقارالىق كورمەلەرى، ايگىلى دات اكتەرى مادس ميككەلسەننىڭ قاتىسۋىمەن «Comic Con» زاماناۋي گيك- مادەنيەت فەستيۆالى، 5- دۇنيەجۇزىلىك كوشپەندىلەر ويىندارى، ديماش قۇدايبەرگەننىڭ كونسەرتى، «enactus World Cup 2024» ستۋدەنتتىك كاسىپكەرلىك بويىنشا Enactus الەم كۋبوگى، گرەپپلينگتەن الەم چەمپيوناتى جانە ت. ب. سياقتى ءىرى ءىس- شارالار ءوتتى.
2024 -جىل قىتايداعى قازاقستاندىق تۋريزم جىلى بولىپ جاريالاندى. وسى باستاماشىل جىل اياسىندا استانا 6 ءىرى ءىس- شارانى جۇزەگە اسىردى:
1. «قىتايداعى قازاقستاندىق تۋريزم جىلىنىڭ» اشىلۋى مەن جابىلۋى (2024 ج. 28 - ناۋرىز) ، وندا استانا تۋريستىك الەۋەتتى ۇزدىك كورسەتكەنى ءۇشىن گران- پري جانە قىتاي نارىعىندا ۇزدىك ىلگەرىلەگەنى ءۇشىن ماراپاتقا يە بولدى؛
2. قىتاي تۋريزم اكادەمياسىنىڭ پرەزيدەنتى داي بيننىڭ، MaFengWo ماركەتينگتىك كومپانيالارىنىڭ، C-trip, قىتاي تۋريستىك قاۋىمداستىقتارى مەن تۋروپەراتورلارىنىڭ قاتىسۋىمەن قازاقستان- قىتاي بيزنەس ديالوگى (2024 ج. 14- قاراشا) ۇيىمداستىرىلدى؛
3. قىتايدىڭ 7 قالاسىنان (2024 ج.13-16 -قاراشا) 25 تۋريستىك قوعامداستىق وكىلدەرىنە ارنالعان اقپاراتتىق تۋر، بەيجىڭ قالاسىندا (2024 ج. 18-قازان) روۋد- شوۋ وتكىزىلدى جانە «China International Medical Tourism Beijing» (2024 ج. 21-23-قاراشا) حالىقارالىق مەديتسينالىق كورمەسىنە قاتىستى، بۇل ەلوردانىڭ زاماناۋي تۋريستىك ورتالىق رەتىندەگى ءيميدجىن ايتارلىقتاي نىعايتتى.
2024 -جىلعى 30- قازاندا Visit Astana برەندى الەمنىڭ تۇكپىر- تۇكپىرىنەن تۋريستىك سالانىڭ 240 تان استام كومپانياسىن بىرىكتىرەتىن دۇنيەجۇزىلىك تۋريستىك اليانستىڭ (WTA) رەسمي مۇشەسى بولعانىن اتاپ وتكەن ءجون.
