جىل باسىنان بەرى 400 قازاقستاندىق ەلگە ەۆاكۋاتسيالانعان –س ءى م
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ جىلدىڭ قورىتىندى بريفينگىندە باياندادى، دەپ حابارلايدى Kazinform.
رەسمي وكىل بايانداماسىن كونسۋلدىق قىزمەت باعىتى بويىنشا ماسەلەلەردەن باستادى.
«ءبىزدىڭ جۇمىسىمىزدىڭ بۇل باعىتى اسا ماڭىزدى، سەبەبى شەت ەلدەردە ازاماتتارىمىز بەن بيزنەسىمىزدىڭ قۇقىقتارى مەن مۇددەلەرىن قورعاۋعا ەرەكشە باسىمدىق بەرەمىز. كونسۋلدىق-قۇقىقتىق كومەككە مۇقتاج وتانداستارعا تىكەلەي جانە بارىنشا كومەك كورسەتەتىن قىزمەتكەرلەر كونسۋلدار ەكەنى بەلگىلى. 2023-جىلى كونسۋلدىق مەكەمەلەرگە ازاماتتاردان 12 مىڭنان استام ءوتىنىش كەلىپ ءتۇستى، ونىڭ باسىم بولىگى - %99,3 قاناعاتتاندىرىلدى»، - دەدى ا. سمادياروۆ.
ونىڭ ايتۋىنشا، قازاقستان ازاماتتارىنىڭ شەت ەلدەردەگى زاڭدى قۇقىقتارى مەن مۇددەسىن ساقتاۋ ماسەلەسى تۇراقتى نەگىزدە باقىلاۋدا.
«جىل بارىسىندا تۇركياداعى تابيعي اپاتتار مەن تاياۋ شىعىستاعى اسكەري-ساياسي قاقتىعىستىڭ شيەلەنىسۋى سالدارىنان قازاقستانعا ءبىزدىڭ 400 دەن استام ازامات وتباسى مۇشەلەرىمەن بىرگە ەۆاكۋاتسيالاندى (تۇركيادان – 107، يزرايلدەن – 166، گازا سەكتورىنان - 127)»، - دەدى ق ر س ءى م وكىلى.
