جىبەك قۇلامبايەۆا پورتۋگالياداعى جارىستىڭ جەڭىمپازى اتاندى
استانا. KAZINFORM - قازاقستاندىق تەننيسشى جىبەك قۇلامبايەۆا جۇپتىق سىندا لوزادا (پورتۋگاليا) ITF W35 تۋرنيرىنىڭ چەمپيونى اتاندى.
قازاقستاندىق تەننيسشى بەلورۋسسيالىق يۋليا حاتۋكامەن بىرگە سوڭعى باسەكەدە رەسەيلىك پولينا ياتسەنكو - بەلگيالىق حاننە ۆانديەۆينكەلمەن كورتقا شىقتى.
ءبىرىنشى پارتيادا قۇلامبايەۆا - حاتۋكا 6:3 ەسەبىمەن باسىم تۇسسە، ەكىنشىسىندە رەسەيلىك-بەلگيالىق دۋەت ەسە قايىردى - 6:1.
سۋپەر تاي-برەيكتە جىبەك قۇلامبايەۆا - يۋليا حاتۋكا جەڭىستى جۇلىپ الدى - 10:4.
ءبىر ساعات 17 مينۋتقا سوزىلعان باسەكە بارىسىندا قازاقستاندىق-بەلورۋسسيالىق جۇپ 4 برەيككە قول جەتكىزدى.
تاعى ءبىر قازاقستاندىق تەننيسشى ساندۋعاش كەنجەبايەۆا جۇپتىق سىندا شارم-ەل-شەيح (مىسىر) ITF W15 تۋرنيرىنىڭ فينالىندا نيدەرلاندىلىق دجوي دە زەۋمەن بىرگە رەسەيلىكتەر اگلايا فەدوروۆا - اليسا
كيۋممەلمەن كەزدەستى. مۇندا رەسەيلىك جۇپتىڭ باعى جاندى: 6:4، 6:3.
ەسكە سالا كەتەيىك، بۇدان بۇرىن جىبەك قۇلامبايەۆانىڭ پورتۋگالياداعى تۋرنيردىڭ فينالىنا شىققانىن جازعان بولاتىنبىز.
