جوشى ۇلىسىنا 800 جىل: بەكتەنوۆ ۇلىتاۋداعى تاريحي-مادەني كەشەندە بولدى
ۇلىتاۋ. KAZINFORM - پرەمەر- مينيستر ولجاس بەكتەنوۆ ۇلىتاۋ وبلىسىنا جۇمىس ساپارى اياسىندا مەملەكەت باسشىسىنىڭ تاپسىرماسىمەن 2021 -جىلى سالىنعان «جوشى حان» تاريحي- مادەني كەشەنىنە باردى. بيىل جوشى ۇلىسىنىڭ قۇرىلعانىنا 800 جىل تولدى.
ولجاس بەكتەنوۆ كەسەنە ماڭىندا ورنالاسقان تاريحي-مادەني كەشەننىڭ جاي-كۇيىمەن تانىستى، وندا جوشى حان ەسكەرتكىشى، شاتىرلى قالاشىق جانە تۋريستەرگە ارنالعان قوناق ءۇي بار.
كەشەن التىن وردانىڭ 750 جىلدىعى اياسىندا پرەزيدەنتتىڭ تاپسىرماسى بويىنشا سالىنعان.
نىسان اشىلعالى بەرى ەلىمىزدىڭ وڭىرلەرىنەن، الىس جانە جاقىن شەتەلدەردەن 35 مىڭنان استام تۋريست كەلگەن.
«مەملەكەت باسشىسى ۇلتتىق قۇرىلتايدا سويلەگەن سوزىندە جوشى ۇلىسى قازاقستاننىڭ مەملەكەتتىگى تاريحىندا ماڭىزدى ورىن الاتىنىن اتاپ ءوتتى. كەشەننىڭ ماڭىزىن ەسكەرە وتىرىپ ينفراقۇرىلىمدى ودان ءارى دامىتۋ جانە تۋريستىك الەۋەتتى جاقسارتۋ ءۇشىن بارلىق شارالاردى قابىلداۋ قاجەت»، - دەپ اتاپ ءوتتى ولجاس بەكتەنوۆ.
