جوشى حان تۋرالى سەريالعا كاستينگ ءجۇرىپ جاتىر
استانا. KAZINFORM - قازاقستاندا شىڭعىسحاننىڭ ۇلى جوشى حاننىڭ ءومىرىن باياندايتىن التى بولىمنەن تۇراتىن، تولىعىمەن اعىلشىن تىلىندەگى دەرەكتى- درامالىق سەريالىنا اشىق كاستينگ جالعاسۋدا.
بۇل تۋرالى Karga Seven Pictures كومپانياسىنىڭ باسپا ءسوز قىزمەتى حابارلادى.
تۋىندىنى ءتۇسىرۋدى Karga Seven Pictures كومپانياسى Dara پرەزيدەنتتىك باستامالارى قورىمەن بىرلەسىپ قولعا الدى.
سەريالداعى رولدەرگە ۇمىتكەرلەردەن وتىنىمدەردى قابىلداۋ اياقتالدى. كانديداتتارعا قويىلاتىن باستى تالاپتار: جاسى 8-دەن 60-قا دەيىن، قازاق، ورتالىق ازيا نەمەسە شىعىس ازيادان شىققان، اعىلشىن ءتىلىن مەڭگەرىپ، اتقا ءمىنۋ داعدىلارى بولۋى ءتيىس.
جوبا ازىرلەۋشىلەرى سەريال ءتۇسىرىلىمىن بارىنشا قازاقستاننىڭ جەرىندە جۇرگىزىپ، وعان وتاندىق كينويندۋستريا ماماندارى مەن ساراپشىلارىن قاتىستىرۋعا تىرىساتىندارىن ايتادى.
ەسكە سالساق، بۇعان دەيىن قازاقستاندا جوشى حان تۋرالى سەريالدىڭ ءتۇسىرىلىمى جۋىردا باستالاتىنى تۋرالى جازدىق.
سونىمەن قاتار جۋىردا الماتىدا شىڭعىس حاننىڭ تۇڭعىش ۇلى جوشى حاننىڭ ءومىرى مەن مۇراسىنا ارنالعان «جوشى حان. ۇلى ۇلىستىڭ بيلەۋشىسى» اتتى كىتاپ- البومنىڭ تۇساۋكەسەرى ءوتتى.
