جوعارى اۋديتورلىق پالاتا وتكەن جىلى ەلدەگى 208 نىسانعا 20 اۋديتورلىق تەكسەرىس جۇرگىزگەن
مەملەكەت باسشىسى جوعارى اۋديتورلىق پالاتا ءتوراعاسى ناتاليا گودۋنوۆانى قابىلدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنا جوعارى اۋديتورلىق پالاتانىڭ بىلتىر اتقارعان جۇمىسى تۋرالى ەسەپ بەرىلىپ، الداعى كەزەڭگە ارنالعان جوسپارى باياندالدى.
ناتاليا گودۋنوۆانىڭ ايتۋىنشا، ەسەپ بەرىلىپ وتىرعان كەزەڭ ىشىندە 19,5 تريلليون تەڭگەگە جۋىق بيۋدجەت قارجىسى بويىنشا 208 نىسانعا 20 اۋديتورلىق تەكسەرىس جۇرگىزىلگەنىن جەتكىزدى.
سونىمەن قاتار پرەزيدەنتكە وتكەن جىلدىڭ 4-توقسانىندا اياقتالعان جەكەلەگەن اۋديتورلىق تەكسەرۋ جۇمىستارىنىڭ قورىتىندىسى جونىندە مالىمەت بەرىلدى.
كەزدەسۋ سوڭىندا قاسىم-جومارت توقايەۆ مەملەكەت رەسۋرسىنىڭ جۇمسالۋ تيىمدىلىگىن ودان ءارى ارتتىرۋعا، سونداي-اق جوعارى اۋديتورلىق پالاتانىڭ جاڭا وكىلەتتىكتەرىن ىسكە اسىرۋعا قاتىستى ءبىرقاتار ناقتى تاپسىرما بەردى.
