جوعارى اۋديتورلىق پالاتا مۇشەسىنىڭ وكىلەتتىگى توقتاتىلدى

استانا. KAZINFORM - بۇگىن سەناتتىڭ جالپى وتىرىسىندا ق ر جوعارى اۋديتورلىق پالاتاسى مۇشەسىنىڭ وكىلەتتىگى توقتاتىلدى.

- پارلامەنت سەناتىنا ق ر جوعارى اۋديتورلىق پالاتاسىنىڭ مۇشەسى راشيت احمەتوۆتىڭ قىزمەتىنەن بوساتۋ تۋرالى ءوتىنىشى ەنگىزىلدى. ر. سايران ۇلى 2017 - جىلدىڭ ماۋسىمىنان 2022 - جىلدىڭ ماۋسىمىنا دەيىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولدى. 2022 - جىلدىڭ قاراشاسىنان باستاپ جوعارى اۋديتورلىق پالاتانىڭ مۇشەسى. سەناتتىڭ قارجى جانە بيۋدجەت كوميتەتى رەگلامەنتكە سايكەس كوميتەت وتىرىسىندا تالقىلاي وتىرىپ، پالاتا وتىرىسىنا ق ر جوعارى اۋديتورلىق پالاتاسىنىڭ سەنات تاعايىنداعان مۇشەسى راشيت سايران ۇلىنىڭ وكىلەتتىگىن توقتاتىپ، قىزمەتىنەن بوساتۋدى ۇسىنادى، - دەدى دەپۋتات سۇلتانبەك ماكەجانوۆ.

پالاتا دەپۋتاتتارى اتالعان ۇسىنىسقا قولداۋ ءبىلدىردى.

ر. احمەتوۆ 1959-جىلى 7 - قازاندا باتىس قازاقستان وبلىسى جاڭاقالا اۋدانىنىڭ جاڭا قازان اۋىلىندا دۇنيەگە كەلدى.

1982-جىلى الماتى تەمىر جول ترانسپورتى ينجەنەرلەرى ينستيتۋتىنىڭ «ۆاگون جاساۋ جانە ۆاگون شارۋاشىلىعى» ماماندىعى بويىنشا، 2002 -جىلى - باتىس قازاقستان ينجەنەرلىك- تەحنولوگيالىق ۋنيۆەرسيتەتىنىڭ باسقارۋ جانە قۇقىق ينستيتۋتىن «زاڭگەر» ماماندىعى بويىنشا بىتىرگەن.

ەڭبەك جولىن 1982-جىلى ۆاگون دەپوسىنىڭ ماستەرى بولىپ باستادى (ورال ق. ).

1982-جىلعى تامىز - 1984-جىلعى ماۋسىم ارالىعىندا كەڭەس اسكەرلەرى قاتارىندا قىزمەت ەتتى.

1984-جىلعى قىركۇيەك - 1989-جىلعى ءساۋىر ارالىعىندا ورال قالاسى ۆاگون دەپوسىندا اعا شەبەر، باس مەحانيك، باسشىنىڭ ورىنباسارى.

1989-جىلعى ءساۋىر - 1991 -جىلعى قاراشا ارالىعىندا ورال قالاسى تەمىرجولدار تورابى پارتكومى حاتشىسىنىڭ ورىنباسارى.

1991-جىلعى قاراشا - 1994-جىلعى اقپان ارالىعىندا ورال مەحانيكالىق زاۋىتىندا باس بروكەر، كوممەرتسيالىق ورتالىقتىڭ باسشىسى، ديرەكتوردىڭ ورىنباسارى.

1994-جىلعى اقپان - 1999-جىلعى جەلتوقسان ارالىعىندا «نۇرجانار» ا ا ق- نىڭ پرەزيدەنتى.

1999-جىلعى قىركۇيەك - 2017-جىلعى ماۋسىم ارالىعىندا قازاقستان رەسپۋبليكاسى پارلامەنتى سەناتىنىڭ دەپۋتاتى، قارجى جانە بيۋدجەت جونىندەگى تۇراقتى كوميتەتتىڭ مۇشەسى، حاتشىسى، ءتوراعاسى.

2017-جىلعى ماۋسىم - 2022-جىلعى ماۋسىم ارالىعىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى.

قازاقستان رەسپۋبليكاسى پارلامەنتى سەناتىنىڭ 2022-جىلعى 1-جەلتوقسانداعى № 374-VII پ س قاۋلىسىمەن قازاقستان رەسپۋبليكاسى جوعارى اۋديتورلىق پالاتاسىنىڭ مۇشەسى بولىپ تاعايىندالدى.

وسىعان دەيىن سەنات جوعارعى سوتتىڭ سۋديالارىن قىزمەتىنەن بوساتقانىن حابارلادىق.