جەتىسۋدا مال وسىرەم دەگەن ينۆەستورعا ءۇش جىل بويى جايىلىم بەرمەي قويعان

تالدىقورعان. KAZINFORM - جەتىسۋ وڭىرىندە 3 جىلدان استام ەكى شارۋا قوجالىعى بورداقىلاۋ الاڭىن سالۋ جانە اسىل تۇقىمدى مال ءوسىرۋ ءۇشىن جەر تەلىمىن الا الماعان.

بۇل - جەر زاڭناماسىنا قايشى.

جەرگىلىكتى اتقارۋشى ورگان نەگىزسىز جەر تەلىمىن بەرۋدەن باس تارتقان.

پروكۋرورلىق قاداعالاۋ اكتىسىن ەنگىزگەننەن كەيىن ينۆەستورلارعا جالپى كولەمى 39 گەكتار جەر تەلىمى بەرىلىپ، كىنالى لاۋازىمدى تۇلعالار تارتىپتىك جاۋاپكەرشىلىككە تارتىلدى.

ينۆەستورلاردىڭ قۇقىعىن قورعاۋ - پروكۋراتۋرا قىزمەتىنىڭ باسىم باعىتتارىنىڭ ءبىرى.

ينۆەستورلاردىڭ دابىلدارىنا جەدەل دەن قويۋ ماقساتىندا فرونت-وفيس قۇرىلىپ، جەتىسۋ وبلىستىق پروكۋراتۋراسىنىڭ موبيلدى توبى تاۋلىك بويى جۇمىس ىستەيدى (بايلانىس تەلەفونى 87011310444).