جەتىسايدا جۇمىسسىز جىگىتتەر ەكى مەشىتتەن اقشا ۇرلاعان

جەتىساي اۋداندىق پوليتسيا بولىمىنە مەشىت قىزمەتكەرى ساداقا جاشىگىندەگى اقشانىڭ قولدى بولعانى تۋرالى شاعىم تۇسىرگەن.

ونىڭ ايتۋىنشا، تۇنگى ۋاقىتتا بەلگىسىز بىرەۋ قايىر ساداقا سالىنعان مەشىت الدىنداعى تەمىر جاشىكتى بۇزىپ، ىشىندەگى اقشانى جىمقىرىپ كەتكەن.

اقپارات الىسىمەن وقيعا ورنىنا جىلدام جەتكەن ءتارتىپ ساقشىلارى جەدەل-ىزدەستىرۋ شارالارىن جۇرگىزدى. ناتيجەسىندە كۇدىككە ىلىنگەن 18 جاستاعى 2 جۇمىسسىز جىگىت انىقتالدى.

تەرگەۋ بارىسىندا انىقتالعانداي، كۇدىكتى جىگىتتەر ءوزارا ءسوز بايلاسىپ، 02:30 شاماسىندا ەكى بىردەي مەشىتكە ۇرلىققا تۇسكەن. سودان ساداقا جاشىگىن تەمىر قۇرالمەن بۇزىپ اشىپ، ىشىندەگى اقشالاردى جىمقىرعان.

قولدى ەتكەن اقشانى ەكەۋارا ءبولىپ العان. قازىر كۇدىكتىلەرگە قاتىستى ق ر ق ك- ءنىڭ 188-بابى («ۇرلىق») بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.

halyq-uni.kz