جەتىسۋ وبلىسىندا جول كولىك وقيعاسىنان 3 ادام مەرت بولدى

تالدىقورعان. KAZINFORM - جەتىسۋ وبلىسى، قاراتال اۋدانىندا بولعان كولىك اپاتىنان 3 ادام كوز جۇمدى. وقيعا 11 - قاراشا كۇنى تۇندە بولعان.

ءۇش ادامنىڭ ءومىرىن جالماعان جول كولىك وقيعاسى قاراتال اۋدانىنا قاراستى ەسكەلدى اۋىلىنىڭ ماڭىندا تۇنگى ساعات 22:30 دار شاماسىندا تىركەلگەن. تالدىقورعان- ۇشتوبە باعىتىندا كەلە جاتقان Audi جەڭىل كولىگى، سول باعىتتاعى Howo جۇك كولىگىنە سوعىلعان. سالدارىنان 1973 -جىلى تۋعان كولىك جۇرگىزۋشىسى مەن 1975 -جىلى، 1982 -جىلى تۋعان ەرلى-زايىپتى جولاۋشىلار وقيعا ورنىندا قايتىس بولدى. ولاردىڭ ارتىندا 3 بالاسى قالدى.

ەسكە سالايىق بۇعان دەيىن تالدىقورعان قالاسىندا 20 جاستاعى جىگىتتى جۇك كولىگى باسىپ كەتكەنىن جانە جەتىسۋ وبلىسىندا جۇك كولىكتەرى سوقتىعىسىپ، 16 كولىكتىڭ جانىپ كەتكەنىن جازعانبىز.

اۆتور

ايبەك قۇتتىبەك