جەتىسۋ وبلىسىندا دەسترۋكتيۆتى ءدىني اعىم وكىلى ەسىرتكىمەن ۇستالدى

جەتىسۋ وبلىسىنىڭ پوليتسەيلەرى وبلىستىق ۇ ق ك د قىزمەتكەرلەرىمەن بىرلەسىپ جانە پروكۋراتۋرانىڭ ۇيلەستىرۋىمەن ارنايى قۇقىقتىق شارا جۇرگىزدى، دەپ حابارلايدى Kazinform.

ناتيجەسىندە ەسىرتكى تاسىمالداۋمەن اينالىسقان تالدىقورعان قالاسىنىڭ 33 جاستاعى تۇرعىنى ۇستالدى. تەكسەرۋ بارىسىندا ۇستالعان ادامعا تيەسىلى اۆتوكولىكتىڭ جۇكسالعىشىندا وسىمدىك تەكتەس زات سالىنعان پاكەت تابىلىپ، تاركىلەندى.

- ەر ادامنىڭ دەسترۋكتيۆتى ءدىني اعىمنىڭ جاقتاۋشىسى ەكەنى انىقتالدى. قازىر ەسىرتكىنى زاڭسىز ساقتاۋ جانە وتكىزۋ فاكتىسى بويىنشا قىلمىستىق ءىس قوزعالدى، - دەدى وبلىستىق پ د ەكسترەميزمگە قارسى ءىس-قيمىل باسقارماسى.

جۇرگىزىلگەن ساراپتاما تاركىلەنگەن زاتتىڭ سالماعى 2 ك گ 722 گرام بولاتىن ماريحۋانا ەكەنىن كورسەتتى.