جەتىسۋ وبلىسىندا 1 ادامنان مەتاپنيەۆموۆيرۋس انىقتالدى

تالدىقورعان. KAZINFORM - جەتىسۋ وبلىسىندا ۆيرۋستىق جۇقپالارعا تەكسەرىلگەن 87 ادامنىڭ 28 ىنەن وڭ ناتيجە تىركەلدى. ونىڭ ىشىندە 1 ادامنان قاۋىپتى ۆيرۋس سانالاتىن مەتاپنيەۆموۆيرۋسى انىقتالدى.

جەتىسۋ وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، تۇماۋ مەن ج ر ۆ ي- عا قارسى كۇندەلىكتى مونيتورينگ جۇرگىزىلەدى. وبلىس بويىنشا 2024-2025-جىلدار ارالىعىنداعى ەپيدماۋسىمدا 50 مىڭعا جۋىق ج ر ۆ ي تىركەلدى. ونىڭ %70 عا جۋىعى 14 جاسقا دەيىنگى بالالار. بۇل كورسەتكىش وتكەن جىلمەن سالىستىرعاندا %30 عا تومەن.

- تۇماۋ جۇقپاسىنىڭ ا (H1N1 09-pdm) – 18، ۆ تۇماۋى -12 جاعدايى انىقتالدى. تۇماۋعا جاتپايتىن جۇقپالارعا زەرتتەلگەن 87 ۇلگىنىڭ 28 ءى وڭ ناتيجە بەردى. ونىڭ ىشىندە رينوۆيرۋس - 13، كورونوۆيرۋس-7، پاراگريپپ -3، بوكاۆيرۋس - 2، مەتاپنيەۆموۆيرۋس - 1، ادەنوۆيرۋس - 1، رس ۆيرۋس – 1، - دەدى جەتىسۋ وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتى.

ايتا كەتەيىك، جەرگىلىكتى بيۋجەت ەسەبىنەن 82167 ادام تۇماۋعا قارسى ەكپە الدى. جالپى وبلىس حالقىنىڭ %12 يممۋنداۋمەن قامتىلدى. ەسكە سالايىق، وسىعان دەيىن تالدىقورعاندا ىشەك ينفەكسياسىن جۇقتىرعانداردىڭ سانى وسكەنىن جازعانبىز.