جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى %34 عا دەيىن تومەندەيدى - بەكتەنوۆ
استانا. KAZINFORM - 2025 -جىلدىڭ قورىتىندىسى بويىنشا ەكونوميكانىڭ ورنىقتى ءوسىمىن ساقتاپ قالۋعا قول جەتكىزىلدى. بۇل تۋرالى ۇكىمەتتىڭ كەڭەيتىلگەن وتىرىسىندا پرەمەر- مينيستر ولجاس بەكتەنوۆ ءمالىم ەتتى.
- ۇكىمەت ءوزىڭىز ايقىنداپ بەرگەن ەل ەكونوميكاسىن ودان ءارى نىعايتۋ جونىندەگى مىندەتتەرگە جانە قازاقستان حالقىنا جولداۋىڭىزدا ايتىلعان ستراتەگيالىق ماقساتتارعا سايكەس 2025-جىلى جۇيەلى وزگەرىستەرگە نەگىزدەلگەن ءىس-شارالاردى قابىلدادى. سالىق، تاريف جانە بيۋدجەت ساياساتىندا، سيفرلىق جانە قۇرىلىس سەكتورلارىندا، سونداي-اق الەۋمەتتىك سالادا قابىلدانعان شەشىمدەر ەكونوميكانى دامىتۋعا توسقاۋىل بولىپ وتىرعان قۇرىلىمدىق ديسپروپورتسيالاردى جويۋعا باعىتتالدى. سالىق جانە بيۋدجەت رەفورماسى ۇلتتىق قوردان نىسانالى ترانسفەرتتەردى الماي-اق، ەلىمىزدىڭ ءۇش جىلدىق بيۋدجەتىن قالىپتاستىرۋعا مۇمكىندىك بەردى. ول 2028- جىلعا قاراي بيۋدجەت تاپشىلىعىن جالپى ىشكى ءونىمنىڭ %0,9 نا دەيىن قىسقارتۋعا ىقپال ەتەدى. جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى 2025 -جىلعى %50 دان 2028 -جىلى %34 عا دەيىن تومەندەيدى. ىسكە اسىرىلعان رەفورمالار كەزەڭىندە 2025 -جىلدىڭ قورىتىندىسى بويىنشا ەكونوميكانىڭ ورنىقتى ءوسىمىن ساقتاپ قالۋعا قول جەتكىزىلدى، - دەدى و. بەكتەنوۆ.
ونىڭ ايتۋىنشا، قۇندىق ماندە ج ءى ءو- ءنىڭ ءوسۋى 20,1 ميلليارد دوللاردى قۇرادى. بۇل ءىس جۇزىندە ءىرى ونەركاسىپتىك ءوڭىردىڭ ج ءو و- سىنە تەڭ.
- ەكونوميكانىڭ وسۋىنە قاراماستان، جۋىق ارادا شەشىمىن تابۋعا ءتيىس ءبىرقاتار وزەكتى ماسەلەلەر بار. ۇكىمەت ەلىمىزدىڭ ينفراقۇرىلىمىن جاڭعىرتۋ جانە ءىرى ونەركاسىپتىك جوبالاردى جۇزەگە اسىرۋعا باسىمدىق بەرە وتىرىپ، ءتيىستى ءبىر دارەجەدە شاعىن جانە ورتا بيزنەستى قولداۋعا كوڭىل ءبولۋ جاعىن باسەڭدەتىپ الدى. ال، بۇل سەكتوردا شامامەن 4,5 ميلليون ادام، ياعني ەكونوميكالىق بەلسەندى حالىقتىڭ تەڭ جارتىسى ەڭبەك ەتەدى. ءسىزدىڭ ەكونوميكالىق تۇراقتىلىقتى قامتاماسىز ەتۋ تۋرالى تاپسىرماڭىزعا سايكەس ميكرو جانە شاعىن بيزنەس سۋبەكتىلەرىنە ارنالعان قارجىلىق، قارجىلىق ەمەس جانە ينفراقۇرىلىمدىق قولداۋ شارالارىن ءبىر جۇيەگە كەلتىرەتىن «ىسكەر ايماق» باعدارلاماسى بەكىتىلدى. الايدا بۇل باعدارلاما شوب- تىڭ بارلىق الەۋەتىن اشۋ ءۇشىن جەتكىلىكسىز. وسىعان بايلانىستى ۇكىمەت بيزنەس- قوعامداستىقپەن بىرلەسىپ قوسىمشا قارجىلىق جانە رەتتەۋشىلىك شارالارىن ازىرلەۋدە. وسىنداي شارالاردىڭ ءبىرى رەتىندە شاعىن جانە ورتا وندىرۋشىلەردى زاماناۋي جابدىقتارمەن قامتاماسىز ەتۋ باعدارلاماسىن اتاپ وتۋگە بولادى، - دەدى ۇكىمەت باسشىسى.
ايتا كەتەيىك، استانادا مەملەكەت باسشىسى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.
