جۇرەك جۇمىسىن جاقسارتاتىن 10 ءونىم
قازىرگى ۋاقىتتا جۇرەك-قان تامىرلارى اۋرۋىنا شالدىققاندار جىل ساناپ ارتىپ كەلەدى. بۇل دەرت ەڭ الدىمەن جۇيكەلىك-پسيحيكالىق شيرىعۋدىڭ نەگىزىندە پايدا بولادى. ولاردىڭ الدىن الۋ ءۇشىن دارىگەرلەر تومەندەگى جەمىس-جيدەك پەن تاعامداردى پايدالانۋعا كەڭەس بەرەدى.
انار.
بۇل جەمىستىڭ پايداسى جەتەرلىك، سەبەبى ونىڭ قۇرامىندا А, В1, В2, В3, В5, В6, Е, С دارۋمەنى بار. ول از دەسەڭىز، كالي، تەمىر، سەلەن، مارگانەتس سەكىلدى ميكروەلەمەنتتەردى دە تاباسىز. اناردىڭ ەرەكشەلىگى سول، قابىنۋعا قارسى كومەكتەسەدى، كونتسەروگەندىك جانە يممۋنوستيمۋلياتورلىق فۋنكتسيالارى بار انتيوكسيدانتتاردان تۇرادى. جۇرەك اۋرۋىنىڭ الدىن الامىن دەسەڭىز، كۇنىگە ءبىر انار شىرىنىن ءىشىپ ءجۇرىڭىز.
- كيۆي.
جۇرەككە شيپالى جەمىستەردىڭ ءبىرى. ونى ۇنەمۋ پايدالانۋ جۇرەك اۋرۋلارىنان بولەك، كوز دەرتتەرىنە دە كومەكتەسەدى. باستىسى، كيۆي قاندى ۇيىتپايدى، ۇيىعان قاندى ەرىتەدى. ونىڭ قۇرامىنداعى جاسۇنىق، كاليي، كالتسيي، ماگنيي، لەكتين، فوسفور، مىرىش، تەمىر، مارگانەتس، انتيوكسيدانتتار مەن امين قىشقىلدارى اعزاعا وتە پايدالى. كيۆيدى جيى تۇتىناتىن بولساڭىز، اعزاعا ينفەكتسيانىڭ تارالۋى تەجەلىپ، يممۋندى جۇيە نىعايىپ، جۇرەك-قان تامىرلارى اۋرۋىنىڭ الدىن الىپ، اعزانىڭ قاتەرلى ىسىكپەن كۇرەسۋى ارتىپ، جۇيكە جۇيەسىن جاقسارتادى ەكەن.
- سارىمساق.
بۇل ءونىم سۋىق ءتيىپ، تۇماۋراتقاندا عانا ەمەس، جۇرەك جۇمىسىنا دا ايتارلىق كومەگى بار. ونىمەن قوسا، دەمىكپە، كوز اۋرۋلارى، گيپەرتونيا، قۇلاق اۋرۋى، بەزەۋ، بورتپە جانە باسقا دا ءتۇرلى اۋرۋلاردى ەمدەۋگە كومەكتەسەدى. سونداي-اق، انتيوكسيدانتتىق جانە ميكروبقا قارسى قاسيەتتەرگە يە، قان قىسىمىن قالىپقا كەلتىرەدى جانە حولەستەرين دەڭگەيىن تومەندەتەدى.
- شابدالى.
شابدالى تەمىر، كالتسي، ناتري، فتور، فولاتسين، نياتسين، فوسفور، مىس، مارگانەتس، سەلەن، مىرىش، ماگنيي جانە С, В, К, РР, Е كاروتين دارۋمەندەرىنە وتە باي. قاناينالىم جۇيەسىنىڭ جۇمىس ىستەۋىن قولدايدى. سونىمەن قاتار كالي جۇرەك بۇلشىقەتىنىڭ جۇمىسىن رەتتەپ، قالىپتى جانە تۇراقتى جۇرەك سوعۋ جىلدامدىعىن ساقتاۋ ءۇشىن قاجەت. ە دارۋمەنىنىڭ دە اسەرى بار، ول قان تامىرلارىندا قان ۇيىعىشتارىنىڭ پايدا بولۋىنا جول بەرمەيدى.
- الما.
الما С دارۋمەنىنە وتە باي. سونىڭ ارقاسىندا ول قانتامىرلاردى كۇشەيتىپ، ميكروبتاردىڭ وتكىزگىشتىگىنە ايتارلىقتاي كەدەرگى كەلتىرەدى. ياعني، قان تازا بولسا، جۇرەك ونى تازارتۋعا ازىراق كۇش سالادى دەگەن ءسوز. المانى مىڭجىلدىقتان بەرى جۇرەك اۋرۋىنا پايدالانىپ كەلەدى. تاۋلىگىنە 300-400 گرام الما جەۋ - قان قىسىمىنىڭ قالىپتى بولۋىنا جاعداي جاسايدى. المانىڭ تاعى ءبىر قاسيەتى ارتىق سالماق تاستاۋعا كومەكتەسەدى.
- ورىك.
قۇرامىندا ا جانە ۆ دارۋمەندەرى بولعاندىقتان، كەپتىرىلگەن ورىك جۇرەككە پايدالى تاعامدار رەيتينگىندە جوعارى ورىنعا يە. سول سياقتى ورىك تەمىر، كالي جانە ماگنيگە باي. دارىگەرلەر كۇندەلىكتى 100 گرام ورىكتى جەۋ دەنساۋلىققا ايتارلىقتاي پايداسى بارىن ايتادى. سونىمەن قاتار كەپتىرىلگەن ورىك دانىندە دە پايدالى دارۋمەندەر كوپ.
- اۆوكادو.
اۆوكادو اس قورىتۋدى جاقسارتادى، دەپرەسسيا قاۋپىن ازايتادى، قاتەرلى ىسىكتەن قورعايدى. ونىڭ قۇرامىنداعى مايلار، جۇرەك جۇمىسىنا ايتارلىقتاي وڭ اسەر ەتەدى. اۆوكادو كالييدىڭ، ومەگا-3 ماي قىشقىلدارىنىڭ جانە ليۋتەيننىڭ باي كوزى. سونداي-اق ونىڭ قۇرامىندا ەريتىن جانە ەرىمەيتىن تالشىقتار كوپ. كۇن سايىن ءبىر اۆوكادو جەۋدى باستاۋدىڭ بىرنەشە سەبەبىن قاراستىرىڭىز. اۆوكادو مايعا باي، ول دەنەگە A، K، D جانە E دارۋمەندەرىن سىڭىرۋگە كومەكتەسەدى. راتسيونداعى مايسىز ادام اعزاسى مايدا ەريتىن ۆيتاميندەردى سىڭىرە المايدى.
- ءجۇزىم مەن ونىڭ شىرىنى.
جۇرەك بۇلشىقەتىنىڭ قىزمەتىن جاقسارتىپ، قاندى كوبەيتەدى. قان قىسىمى كوتەرىلۋىنىڭ الدىن الاتىن دارۋمەندەرگە دە باي.
- بالىق.
ونىڭ قۇرامىنداعى مايلار جۇرەكتىڭ قالىپتى جۇمىس ىستەۋىن قامتاماسىز ەتەدى. لوسوس، تۋنەتس، سكۋمبريا جانە تەڭىز ونىمدەرىندە جۇرەك بۇلشىق ەتىنە كەرەك دارۋمەندەرگە وتە باي.
- جاڭعاق.
E دارۋمەنىنە باي بادام، جەرجاڭعاق، گرەك جاڭعاعى جانە تۇزسىز پىستە جۇرەككە پايدالى. بۇل قانداعى قاجەتسىز حولەستەرين دەڭگەيىن تومەندەتەدى جانە قانتامىر قابىرعاسىن نىعايتادى. گرەك جاڭعاعى جۇرەك-تامىر جۇيەسىنىڭ جۇمىسىن جاقسارتادى، بۋىندار مەن يممۋنيتەتتى نىعايتادى.
el.kz
