جۇرەك اقاۋى بار ءسابيدى سەۋلدەن الماتىعا سانيتارلىق اۆياتسيانىڭ ۇشاعىمەن جەتكىزەدى
استانا. KAZINFORM - بريگادا تۋا بىتكەن جۇرەك كەمىستىگى دياگنوزى قويىلعان 4 جاسار بالانى سەۋل قالاسىنان (وڭتۇستىك كورەيا) ۇلتتىق پەدياتريا جانە بالالار حيرۋرگياسى ورتالىعىندا ودان ءارى ەمدەۋ ءۇشىن الماتىعا تاسىمالداۋى ءتيىس.
بۇل تۋرالى دەنساۋلىق ساقتاۋ مينيسترلىگىنىڭ باسپا ءسوز قىزمەتى حابارلادى.
جاڭا تۋربورەاكتيۆتى مامانداندىرىلعان ۇشاق اۋىر جاعدايداعى پاتسيەنتتەردى الىپ جۇرۋگە ارنالعان ەكى مەديتسينالىق مودۋلمەن جابدىقتالعان.
- بۇل رەيس قاۋىپسىزدىك پەن جايلىلىقتىڭ جوعارى دەڭگەيىن قامتاماسىز ەتەتىن ەڭ جاڭا اۋە كەمەسىن پايدالانۋ ارقىلى ادامداردىڭ ءومىرىن ساقتاۋداعى ماڭىزدى قادام بولدى. بۇگىن دارىگەر مەن فەلدشەردەن تۇراتىن ۇلتتىق شۇعىل مەديتسينانى ۇيلەستىرۋ ورتالىعىنىڭ موبيلدىك مەديتسينالىق اۆياتسيا بريگاداسى «Аlaman Air» اۋەكومپانياسىنىڭ العاشقى جاڭا Bombardier Challenger CL-600-2B19 ۇشاعىمەن پاتسيەنتكە كورەياعا ۇشىپ كەتتى، - دەلىنگەن حابارلامادا.
دەنساۋلىق ساقتاۋ مينيسترلىگىنىڭ اۆياكومپانيالارمەن ينۆەستيتسيالار تۋرالى كەلىسىمى شارتتارىنداعى ارىپتەستىك شەڭبەرىندە توزعان ۇشۋ تەحنيكاسىن جاڭا بورتتارعا اۋىستىرۋ ءجۇرىپ جاتقانىن ەستەرىڭىزگە سالا كەتەيىك.
قازىرگى زامانعى بورت بۇكىل ءوڭىر بويىنشا ءوڭىرارالىق توقتاۋسىز رەيستەردى، سونداي-اق ق ر پاتسيەنت-ازاماتتارىن شەتەلدىك كلينيكالاردان تاسىمالداۋ بويىنشا حالىقارالىق رەيستەردى ورىنداۋعا ارنالعان.
