جەر بەتىندەگى ەڭ قارت ەر ادام تۋعان كۇنىن اتاپ ءوتتى

استانا. KAZINFORM - الەمدەگى ەڭ قارت ەر ادام، ۇلى بريتانيالىق دجون الفرەد تيننيسۆۋد 112 جاسقا تولعان تۋعان كۇنىن اتاپ ءوتتى. بۇل تۋرالى The Guardian باسىلىمى حابارلادى.

ءساۋىر ايىندا گيننەستىڭ رەكوردتار كىتابى 111 جاستاعى تيننيسۆۋدتى ەڭ قارت ەر ادام دەپ تانىدى. بۇعان دەيىن الەمدەگى ەڭ قارت ەر ادام دەپ تانىلعان ۆەنەسۋەلالىق حۋان ۆيسەنتە پەرەس مورا 114 جىل ءومىر سۇرگەن.

ايتا كەتەيىك، تيننيسۆۋد 1912 -جىلى ليۆەرپۋلدە، تيتانيك سۋعا باتقان جىلى دۇنيەگە كەلگەن. ونىڭ كوزى تىرىسىندە ۇلى بريتانيادا 24 پرەمەر-مينيستر الماستى. ول انگليانىڭ ساۋتپورت قالاسىنداعى قارتتار ۇيىندە تۇرادى.

ەسكە سالايىق، جاپونيانىڭ اسيا قالاسىنىڭ تۇرعىنى، 116 جاستاعى توميكو يتوكا يسپانيالىق 117 جاستاعى ماريا برانياس قايتىس بولعاننان كەيىن الەمدەگى ەڭ قارت ادام اتانعانىن جازعان ەدىك.

اۆتور
جاراسقان نۇرىباي