جەمىستى جىلدىڭ جەڭىستى جولعا اينالا بەرۋىن تىلەيمىز - دارحان قىدىرالى

  پرەزيدەنت سايلاۋى وتكەنىنە ءبىر جىل تولدى. سەنات دەپۋتاتى دارحان قىدىرالى بۇگىندە مەملەكەت باسشىسىنىڭ سايلاۋالدى باعدارلاماسىندا قانداي باعىتتار بويىنشا جۇمىستار اتقارىلعانىنا قىسقاشا توقتالدى.

وسى ءبىر جىلدىڭ ىشىندە اۋقىمدى جۇمىستار اتقارىلدى. مەملەكەت باسشىسىنىڭ سايلاۋالدى باعدارلامارىندا ايتىلعان ءبىرقاتار ماسەلە ناقتى شەشىمىن تاپتى. ساياسي رەفورمالار جالعاستى. ءماجىلىس، سەنات، ءماسليحات جانە اۋدان/قالا اكىمدەرىنىڭ سايلاۋى ءوتىپ، پارلامەنت قۇرامى جاڭاردى.

ەكونوميكانى مونوپولياسىزداندىرۋ بويىنشا جۇيەلى جۇمىستار جۇرگىزىلدى. زاڭسىز ساتىپ الىنعان جانە شەتەلگە شىعارىلعان اكتيۆتەردى ەلگە قايتارۋ باستاماسى بويىنشا 1 تريلليون تەڭگە سوماسىندا قارجى قايتارىلدى. «ۇلتتىق قور - بالالارعا»، «قۋاتتى وڭىرلەر - ەلدى دامىتۋدىڭ درايۆەرى» جوبالارى قابىلداندى. اۋىلدىق اۋماقتاردى دامىتۋ تۇجىرىمداماسى اياسىندا مەملەكەت مەنشىگىنە 8 ميلليون گ ا پايدالانىلماعان جەر قايتىرىلدى.

ۇلتتىق قۇرىلتايدا ەل دامۋىنىڭ يدەولوگيالىق باعىتتارى ايقىندالدى. قانشاما حالىقارالىق ءىس- شارالار ءوتىپ، جەمىستى كەلىسسوزدەر جۇرگىزىلدى. مۇنىڭ ءبارى - قازىرگىدەي اۋمالى- توكپەلى گەوساياسي احۋالدا ايتۋعا عانا وڭاي اۋقىمدى جۇمىستار. سوندىقتان جەمىستى جىلدىڭ جەڭىستى جولعا اينالا بەرۋىن تىلەيمىز.