جۇمىرتقانىڭ جۇمباق سىرلارى

استانا. قازاقپارات - جۇمىرتقانى پايدالانۋ ەجەلگى ءۇندى جەرىندە باستاۋ العان دەگەن دەرەك بار. ەرتەدە قىزكەلىنشەكتەر ءاجىمنىڭ كوزىن جويۋ ءۇشىن نەمەسە شاشتارى قاتتى بولۋ ءۇشىن جۇمىرتقانى پايدالانعان.

ال ەر-ازاماتتار جورىقتا نە شايقاسقا شىقپاس بۇرىن جۇمىرتقامەن تاماقتانعان. سونداي-اق، ءوز جاراقاتتارىن جۇمىرتقا باسۋ ارقىلى جازعان ەكەن، دەپ حابارلايدى kazaitys.kz.

قازىر ءار ەلدىڭ ماماندارى جۇمىرتقانىڭ ادام اعزاسىنا بەرەر پايداسى مەن زيانى جايىندا قاراما قارسى پىكىردە بولىپ جاتىر. جۇمىرتقانىڭ جۇمباق سىرى ءالى كۇنگە اشىلعان جوق. دەسە دە، بۇگىن ءبىز وقىرماندارعا جۇمىرتقانىڭ پايدالى ءارى زياندى جاقتارىن بىردەي جەتكىزۋدى ءجون كورىپ وتىرمىز.

جۇمىرتقانى قايناتىپ تا، قۋىرىپ تا جەۋ ارقىلى اسقازاندى عانا ەمەس، بار اعزانى پايدالى ەلەمەنتتەر مەن دارۋمەندەرمەن قامتاماسىز ەتۋگە بولادى. قۇرامىنداعى اقۋىز، يود، فوسفور، سەلەن، ت.س.س. ەلەمەنتتەر سوزىلمالى اۋرۋلاردىڭ الدىن الادى. سونداي-اق، ونىڭ قۇرامىندا ا، ب، د، ە دارۋمەندەرىنەن باستاپ، باس-اياعى 13 دارۋمەن كەزدەسەدى.

ءبىر كەزدەرى جۇمىرتقانىڭ سارىسى زياندى حولەستەرين كوزى دەپ مويىندالعان. شىنىندا دا، ورتاشا كولەمدى ءار جۇمىرتقا قۇرامىندا 350-400 م گ حولەستەرين بار، ال حولەستەريندى تۇتىنۋدىڭ رۇقسات ەتىلگەن كۇن سايىنعى نورماسى ەر ادامدار ءۇشىن 390 م گ جانە ايەلدەر ءۇشىن 290 م گ تەڭ. سوندىقتان ادامدارعا كۇنىنە ءارى كەتكەندە 2 تاۋىق جۇمىرتقاسىن جەۋگە جانە جۇمىرتقانىڭ سارىسىن جەمەۋگە كەڭەس بەرىلگەن. ال كەيبىر دەرەكتەردە، دەنى ساۋ ادامعا استان كەلەتىن حولەستەرين قاۋىپ تۋعىزباۋى ءتيىس. سوندىقتان حولەستەرينىنىڭ ارتۋىمەن اۋىرمايتىن ادامدارعا اپتاسىنا 5-6 جۇمىرتقا جەۋگە بولادى.

سونىمەن قاتار، جۇمىرتقانى پايداسى ولاردىڭ زيانى تۋرالى دالەلدەردەن اسىپ تۇسەدى جانە كۇمانسىز بولىپ تابىلادى. كوپتەگەن ديەتالاردىڭ مازىرىندە جۇمىرتقا كەزدەسىپ جاتادى. سەبەبى، ونىڭ ارقاسىندا ارتىق سالماقتان ارىلۋعا جانە سالماقتى ءبىر قالىپتى ۇستاۋعا بولادى. ءبىراق، شاش ءوسىمى مەن كوزدىڭ كورۋىن جاقسارتامىن، تىستەرىم مارجانداي تازا، سۇيەكتەرىم مىقتى بولسىن دەسەڭىز، اس مازىرىڭىزگە قوسىڭىز.

جۇمىرتقا اعزانى ءتۇرلى ينفەكسيالاردان قورعاپ، يممۋنيتەتتى كۇشەيتەدى. ال جۇمىرتقانى شەكتەن تىس پايدالانۋ سۇيەكتى اقاۋلارىنا الىپ كەلەدى. داۋىسقا، شاشقا، ءتىپتى بۇكىل اعزاعا پايداسى زور دەگەن سەنىممەن جۇمىرتقانى شيكىدەي سىمىرەتىندەردىڭ ەندى بۇدان بىلاي ول ادەتتەن ارىلعاندارى دۇرىس. سەبەبى دۇنيەجۇزىلىك مەديسينا بۇگىندە پىسپەگەن جۇمىرتقانىڭ پايداسىنان گورى زيانى كوپتىگىن انىقتاپ وتىر.

بىرىنشىدەن، جۇمىرتقانىڭ داۋىسقا پايداسى بارى عىلىمي دالەلدەنبەگەن. ەكىنشىدەن، كەز كەلگەن شىيكى استا كەزدەسەتىن سەكلدى جۇمىرتقادا دا كوپتەگەن اۋرۋدىڭ قوزدىرعىش ۆيرۋستارى جۇرەدى. سولاردىڭ ەڭ ءبىرىنشىسى - قۇس تۇماۋى. كوپشىلىگىمىز قولدانار الدىندا جۇمىرتقانىڭ سىرتىن جۋۋدى بىلمەيمىز. ال بارلىق ۆيرۋس سول سىرتقى قابىرشىعىندا بولادى ەكەن.

جۇمىرتقانى ءپىسىرىپ جەگەننىڭ وزىندە دە ونىڭ بەلگىل ءبىر مولشەرىنەن ارتىعى اعزاعا زيان دەيدى دارىگەرلەر. گارۆارد اسكەري-مەديسينالىق مەكتەبىنىڭ ماماندارى اپتاسىنا التى جۇمىرتقادان ارتىق جەگەن ادامداردىڭ ءومىر ءسۇرۋ ۇزاقتىعى 23 پايىزعا قىسقاراتىنىن انىقتاپتى. اسىرەسە، جاس شاماسى 40 تان اسقاندار، قانت ديابەتىمەن اۋىراتىندار مەن جۇرەك، باۋىر اۋرۋى بار ادامداردىڭ جۇمىرتقانى اسا ساقتىقپەن جەگەندەرى ءجون.