جەم وزەنىندە سۋ دەڭگەيى تومەندەي باستادى
اتىراۋ. KAZINFORM - ۆيتسە-پرەمەر، سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ سالدارىن جويۋ جونىندەگى رەسپۋبليكالىق شتاب مەڭگەرۋشىسىنىڭ ورىنباسارى قانات بوزىمبايەۆ اتىراۋ وبلىسىندا جۇمىسىن جالعاستىرىپ جاتىر.
بۇگىن ءوڭىر باسشىسىمەن بىرگە جاعدايدى تەكسەرۋ ءۇشىن قۇلسارى قالاسىنان اقتوبە وبلىسىنىڭ شەكاراسىنا دەيىنگى اۋماقتىڭ ۇستىمەن ۇشىپ ءوتتى.
سۋ بەكەتتەرىندەگى مالىمەت بويىنشا، جەم وزەنىندە سۋ دەڭگەيى تومەندەگەن، جىلىوي اۋدانى مەن قۇلسارى قالاسىن سۋ باسقان.
ۆيتسە-پرەمەر قورعانىس قۇرىلىستارى مەن ءۇيىندى بوگەتتەردى ارالاپ، تەكسەردى.
سونىمەن قاتار قۇلسارى قالاسىنىڭ تۇرعىندارىمەن كەزدەستى. ول سۋ تاسقىنىنا قارسى ءىس-شارالار جوسپارى، قالپىنا كەلتىرۋ جۇمىستارىنىڭ باستالۋى تۋرالى ايتتى، سونداي-اق اپات سالدارىنان كەلتىرىلگەن زالالدى وتەۋ ءۇشىن وتەماقى تولەمدەرىنىڭ الگوريتىمىن ءتۇسىندىردى.
مىڭداعان قازاقستاندىق قۇلسارى تۇرعىندارىنىڭ قايعىسىنا ءۇن قوستى.
گۋمانيتارلىق كومەك تاراتۋ بەكەتىندە بىرنەشە ونداعان توننا ازىق-تۇلىك، كيىم-كەشەك، جالپى تۇتىنۋ تاۋارلارى جينالدى.
قانات بوزىمبايەۆ گۋمانيتارلىق كومەك بەرۋ بارىسىندا اشىقتىقتى قامتاماسىز ەتىپ، قوعامدىق باقىلاۋدى كۇشەيتۋدى تاپسىردى.
