22:11, 16 - ءساۋىر 2025 | GMT +5
جەلىدە قورقىنىشتى حابار تارادى: پوليتسيا پىكىر ءبىلدىردى
استانا. KAZINFORM - الەۋمەتتىك جەلىلەدە قورقىنىشتى حابار تارادى. وسىعان بايلانىستى پوليتسيا مالىمدەمە جاسادى.
«مەسسەندجەرلەر مەن چاتتاردا مەكتەپتەردە تەررورلىق اكتىلەر دايىندالىپ جاتقانى تۋرالى جالعان اقپارات تاراپ جاتىر. بۇل مالىمەتتەر شىندىققا جاناسپايدى جانە حالىق اراسىندا ۇرەي مەن الاڭداۋشىلىق تۋعىزۋعا باعىتتالعان»، - دەدى ءى ءى م وكىلدەرى.
پوليتسيا دەپارتامەنتى ازاماتتاردى سابىر ساقتاۋعا، ارانداتۋشىلىققا بەرىلمەۋگە جانە تەك رەسمي اقپارات كوزدەرىنە سەنۋگە شاقىرادى.
سونىمەن قاتار، ءى ءى م تەراكتىلەر تۋرالى كورىنەۋ جالعان اقپارات تاراتۋ قىلمىستىق جاۋاپكەرشىلىككە اكەپ سوعاتىنىن ەسكەرتتى. قولدانىستاعى زاڭناماعا سايكەس مۇنداي ارەكەت ءۇشىن 18 ميلليون تەڭگەگە دەيىن ايىپپۇل سالۋ نەمەسە بەس جىلعا دەيىن باس بوستاندىعىنان ايىرۋ جازاسى كوزدەلگەن.
