11:06, 30 - قازان 2023 | GMT +6
جەلىدە قوراداعى ءۇش سيىردى جەپ قويعان الىپ جىلاننىڭ ۆيدەوسى تارادى
جەلىدە ءۇش سيىردى جەپ قويعان پيتوننىڭ ۆيدەوسى تارادى، دەپ حابارلايدى Kazinform.
ۆيدەو TikTok-تا پايدا بولدى.
«ءۇندىستاندا قوراعا كىرىپ، ءۇش سيىردى جەپ قويعان، كەتەتىن كەزدە جىپكە ورالىپ قالعان اناكوندا»، - دەلىنگەن ۆيدەودا.
بۇل ۆيدەو YouTube-تە ءبىر اپتا بۇرىن جاريالانعان.
جەلى قولدانۋشىلارى ۆيدەوعا قاتىستى ءتۇرلى پىكىر جازىپ، ازىلدەگەن.
«اناكوندا ءبىزدىڭ قازاقستاندا كوپ»، «3 سيىرعا شاماسى جەتىپ، جىپكە جەتپەي قالدى ما؟»،
«اناكوندا ءبىزدىڭ ۇيدە بار، ەكى بالاسىمەن ءجۇر عوي»، «جىبەرە سالىڭىزدار، مەنىڭ جەڭگەم عوي»، - دەگەن ءازىل-پىكىرلەر جازىلعان.
ايتا كەتەيىك، مۇنداي جاعدايلار وزگە ەلدەردە دە كەزدەسكەن. 2021 -جىلى تامىزدا پيتون سيىردى جۇتىپ، ارتىنان ونى قورىتا الماي ءوزى جارىلىپ كەتكەن.
